।। दोहा ।।
धरती माता सुहागणी, इंद्र सो भरतार।
पेरण लीलो काँचवो, ओढ़ण मेघ मलार।
आ गाडोली तो अमरापुर में जाय ,
बैठ जाओ गाड़ी में।
इण रे गाड़ी में राजा हरिचन्द बैठा।
संग बैठी तारामती नार ,
बैठ जाओ गाड़ी में।
आ गाडोली ….
इण गाड़ी में राजा भर्तहरी बैठा।
जुग लियो है संसार ,
बैठ जाओ गाड़ी में।
आ गाडोली ….
इण गाड़ी में राजा मोरध्वज बैठा।
जो नर है चतुर सुजान ,
बैठ जाओ गाड़ी में।
आ गाडोली ….
इण री गाड़ी में नरसी बैठा।
प्रभु भात भरियो अन्जार,
बैठ जाओ गाड़ी में।
आ गाडोली ….
इण री गाड़ी में बलि राजा बैठा।
खुद प्रभु आया मांगण द्वार,
बैठ जाओ गाड़ी में।
आ गाडोली ….
इण री गाड़ी में मीरां बाई बैठा।
जयां ने मिलिया किशन मुरार,
बैठ जाओ गाड़ी में।
आ गाडोली ….
इण री गाड़ी में रूपा दे जी बैठा।
राजा रावलमाळ मानी हार,
बैठ जाओ गाड़ी में।
आ गाडोली ….
इण री गाड़ी में धन्ना भगत बैठा।
प्रभु निपजाया हीरा जवार,
बैठ जाओ गाड़ी में।
आ गाडोली ….
राम नाम री गाड़ी बनाई।
गाड़ी भगतां री प्राण आधार,
बैठ जाओ गाड़ी में।
आ गाडोली ….
राम नाम वाली गाड़ी सब बैठा।
हो जावो भव जल पार,
बैठ जाओ गाड़ी में।
आ गाडोली ….
sitaram ji maharaj ke bhajan video
आ गाडूली तो अमरापुर में जाय aa gaduli to amrapur jaay old rajasthani bhajan lyrics
देसी मारवाड़ी भजन हिंदी में
भजन :- बैठ जाओ गाड़ी में
गायक :- सियाराम महाराज
