उण घर जाइजे वैरण नींद भजन लिरिक्स

।। दोहा ।।
दिन रा बातां बांचणियाँ , तो रातूं लेवे नींद ।
राम भजन ओ कैसे सुणे ,ओ दोय बहूरो बींद ।

उण घर जाइजे म्हारी नींद ,
जिण घर राम नाम नहीं भावे ।
राम नाम नहीं भावे रे जिण घर ,
हरी भजन नहीं भावे ॥

का जाइजे तू राज द्वारे ,
का रसिया रस भोगी ।
म्हारो लारो छोड़ बावळी ,
मैं हूँ रमता जोगी ।
उण घर जाइजे । …

भरी सभा में कूड़ो रे बोले ,
निन्दिया करे पराई ।
वो घर हमने तुमको सौंपा ,
जाजे बिना बुलाई ।
उण घर जाइजे । …

ऊँचा मन्दिर और सखी री ,
कामणी चँवर ढूलावे ।
म्हारे संग काँई लेवे बावळी ,
राख में दुख पावे ॥
उण घर जाइजे । …

केवे भरतरी सुण म्हारी निदरा ,
यहाँ नहीं तेरा वासा ।
राज छोड़ने लिवी फकीरी ,
गुरांरे मिलण , हरी रे मिलण ,
म्हारे अलख मिलणरीआशा ॥
उण घर जाइजे । …

anil nagori bhajan Video

उण घर जाइजे वैरण नींद un ghar jaje beran nind bhajan,anil nagori bhajan, marwadi desi bhajan, marwadi bhajan desi
भजन :- उण घर जाइजे वैरण नींद
गायक :- अनिल नागौरी

Leave a Reply