ओ बाबा राम रूनीचे वाला भगत पर मेहर कर दे

बाबा राम रूनीचे वाला,
भगत पर मेहर कर दे,
ओ थारा जन्म जन्म जश गावा,
भगत पर मेहर कर रे,
ओं बाबा राम रूनीचें वाला,
भगत पर मेहर कर दे।।

ओ रूपा दरजी ने परचो दिखायो ओ,
घोडो कपड़े रो आकाशा उडायो ओ,
रूपा दरजी रूपा दरजी रो,
रूपा दरजी रो आरोप मिटायो,
भगत पर मेहर कर दे,
ओं बाबा राम रूनीचें वाला,
भगत पर मेहर कर दे।।

ओ सेठ बोयता रे हेले जट आया ओ,
डूबी नाव मारी अरजी सुनाया ओ,
भुजा पसारी रे भुजा पसारी रे,
भुजा पसारी रे डूबत नैया तारी,
भगत पर मेहर कर दे,
ओं बाबा राम रूनीचें वाला,
भगत पर मेहर कर दे।।

ओ बाई सुगना पुकारे जट आया ओ,
पुंगल जाय बाई सुगना ने लाया ओ,
बेना सुगना रा ओ बेना सुगना रा ओ,
बेना सुगना रा दुखड़ा मिटाया,
भगत पर मेहर कर दे,
ओं बाबा राम रूनीचें वाला,
भगत पर मेहर कर दे।।

ओ पडीयो केद माई रतनो बुलावे ओ,
लीले चढ बाबो पूंगल सिधावे ओ,
परिहारा रो ओ परिहारा रो,
परिहारा रो गरब गडायो,
भगत पर मेहर कर दे,
ओं बाबा राम रूनीचें वाला,
भगत पर मेहर कर दे।।

ओ डाली बाई लियो आपरो सहारो ओ,
सिवरीया भगतो रे आप पधारो ओ,
सारा नुगरा ने सारा नुगरा ने ओ,
सारा नुगरा ने सुगरा करावो,
भगत पर मेहर कर दे,
ओं बाबा राम रूनीचें वाला,
भगत पर मेहर कर दे।।

ओ बाबा राम रूनीचे वाला,
भगत पर मेहर कर दे,
ओ थारा जन्म जन्म जश गावा,
भगत पर मेहर कर रे,
ओं बाबा राम रूनीचें वाला,
भगत पर मेहर कर दे।।

प्रकाश माली भजन ओ बाबा राम रूनीचे वाला भगत पर मेहर कर दे

Leave a Reply