खम्मा खम्मा रुणिचे रा धनिया भजन लिरिक्स

।। दोहा ।।
बाज रया है तंदूरा , बाबे रे दरबार ।
खम्मा खम्मा गावे है , झालर री झणकार ।।

खम्मा खम्मा हो रामा ,
रूणीचे रा धणियाँ ।
थाने तो ध्यावे आखो मारवाड़ हो ,
आखो गुजरात हो ।
अजमाल जी रा कँवरा ॥

भादूड़े री दूज ने ,
चमक्यो निशि तारो ।
पालणिया में झूलण आयो ,
आयो पालण हारो ।
द्वारका रा नाथ झूले पालणिये ।
हो रामा ! द्वारका रा नाथ झूले पालणिये ,
अजमाल जी रा कँवरा ॥
खम्मा खम्मा हो…….

बड़ा है वीरम देवे ,
छोटा रामदेव जी ।
धोरां री धरती में आया ,
आया रामापीर जी ।
कुंकु रा पगल्या मांड्या आँगणिये ।
हो रामा ! कुंकु रा पगल्यां मांड्या ऑगणिये ,
अजमाल जी रा कँवरा ॥
खम्मा खम्मा हो…….

सिर पे किलंगी तुर्रा ,
केसरिया है जामो ।
भगतां री भीड़ आवे ,
धोळो पीर रामो ।
भगतां रों मान बढावणियाँ ।
हो रामा ! भगतां रो मान बढावणियाँ ,
अजमाल जी रा कँवरा ।।
खम्मा खम्मा हो…….

माता है मेणां दे ज्यांरा ,
पिता अजमाल जी ।
सुगणा रो बीर राणी ,
नेतल रो भरतार जी ।
जगमग जोत जगावणियाँ ।
हो रामा ! जगमग जोत जगावणियाँ ,
अजमाल जी कँवरा ।।
खम्मा खम्मा हो…….

डाली बाई बाबा थारा ,
पगलिया पखार सी।
लाचा और सुगना बाई ,
करे हर री आरती।
हरिजी भाटी रे मन भावनियाँ ।
हो रामा ! हरिजी भाटी रे मन भावनियाँ ,
अजमाल जी कँवरा ।।
खम्मा खम्मा हो…….

खम्मा खम्मा रुणिचे रा धनिया ,khamma khamma runicha ra dhaniya, ajmal ji ra kavra, baba ramdev ji bhajan, harji bhati bhajan, prakash mali bhajan

Leave a Reply