खेतेश्वर खेड़ा में जनमिया भजन लिरिक्स

।। दोहा ।।
खेतेश्वर की महिमा गाउ , सुणो सभी नर नार।
आसोतरा में धाम आपरो , ब्रह्मा रा अवतार।

खेतेश्वर खेड़ा में जनमियाँ ,
थाल सोने रो बाजन लागो।
सैया हिल मिल मंगल गावे ,
गुड़ डलिया बटवा लागो।
महाराज गुरूजी रे रंग लागो।

थोड़ा दीना सु आया सराने ,
साथीड़ा भेळो खेलन लागो।
सेण हुआ जद सगपण करियो ,
ओ मन में दुखडो लागो।
महाराज गुरूजी रे रंग लागो। टेर।

सराणा सु चाल्या बाप जी ,
गांव गोलिया जावण लागो।
सगपण करियो जीने चिर ओढ़ायो ,
माथे हाथ फेरन लागो।
महाराज गुरूजी रे रंग लागो। टेर।

गुरु गणेशानंद जी मिलिया ,
अब भगति में रंग लागो।
पिपलिये में करी तपस्या ,
आसोतरा आवन लागो।
महाराज गुरूजी रे रंग लागो। टेर।

ब्रह्माजी रे मंदिर सारू ,
अब चंदो करवा लागो।
ब्रह्म समाज सु चंदो करियो ,
ब्रह्मा मंदिर बनवा लागो।
महाराज गुरूजी रे रंग लागो। टेर।

प्रतिष्ठा री करी तैयारी ,
अब मेलो भरवा लागो।
तुलछाराम जी ने गादी बैठाया ,
आप स्वर्ग जावण लागो।
महाराज गुरूजी रे रंग लागो। टेर।

खेतेश्वर खेड़ा में जनमियाँ ,
थाल सोने रो बाजन लागो।
सैया हिल मिल मंगल गावे ,
गुड़ डलिया बटवा लागो।
महाराज गुरूजी रे रंग लागो।

hemraj goyal ke bhajan video Music video Song

खेतेश्वर खेड़ा में जनमिया भजन, Kheteshwar Kheda Me Janmiya kheteshwar bhajan lyrics in hindi
खेतेश्वर महिमा भजन लिरिक्स
खेतेश्वर खेड़ा में जनमिया
भजन :- खेतेश्वर खेड़ा में जनमियाँ
गायक :- हेमराज गोयल

Leave a Reply