।। दोहा ।।
शब्दा मारया मर गया ,शब्दा छोडियो राज।
जिण जिण सबद विचारिया ,वा रा सरिया काज।
गुरु देव जगावे ,
सुतोडा जागो।
राम जी का भजना ,
सु काई भागो।
काई रे काम करवा ,
भेज्यो रे राम जी।
काई काम करवा ,
थारो मन लागो।
राम जी का भजना ,
सु काई भागो।
गुरु देव जगावे। ……
राम जी बणायो ,
थने मनक पुतलो।
कर्मा सु बणज्यै ,
मती रे काटो।
राम जी का भजना ,
सु काई भागो।
गुरु देव जगावे। ……
चन्दन लगावे तू ,
तो भगवा रंगावे।
कंचन करका ,
काया रो धागो।
राम जी का भजना ,
सु काई भागो।
गुरु देव जगावे। ……
खेल में जावे ,
तू तमाशा में जावे।
कुमार्ग थारो मन लागो।
राम जी का भजना ,
सु काई भागो।
गुरु देव जगावे। ……
माली पूनम चंद ,
जो कोई जावे।
राम जी भजेला आवेला आडो।
राम जी का भजना ,
सु काई भागो।
गुरु देव जगावे ,
सुतोडा जागो।
राम जी का भजना ,
सु काई भागो।
गुरुदेव जगावे सु तोड़ा जागो भजन लिरिक्स gurudev jagave sutoda jago guru dev bhajan prakash mali bhajan
