गुरु ज्ञानी आया पांवणा भजन लिरिक्स

।। दोहा ।।
सतगुरु चन्दन बावना , दिन दिन दूणी वास।
अज्ञान हरण प्रकटिया , जानत है निज दास।।

हालो रे संतो देवरे ,
गुरु जम्मो जोवण हालां ।
एक ऊँचो सिंहासन राम रो ,
शरणां में शीश नवाया ।
गुरु ज्ञानी आया पांवणा ,
केड़ी – केड़ी महिमा करिये । २।
गंगाजळ भरियो वाटको ,
पग तल पाये लेणा ।
केसर रा करणा छांटणा ,
हरख बधावे लेणा रे ।।

उसकी आम्बा की गेरी छाया ,
उसमें रे ढोलियो ढळाया ।
गुरु हिंगळु पायां रो ढोलियो ,
अमर ओसिंगा लेणा ।।
सतगुरुसा आया पांवणा ,
केड़ी – केड़ी महिमा करिये ।
गंगाजळ भरियो वाटको ,
हरख बधावे लेणा रे ।

दातण दिराऊँ काची केळ रा ,
झारी गंगाजळ लेणा ।
भायां सोवण कुण्डी उजळी ,
वां में नावण करणा ।।
सतगुरुसा आया पांवणा ,
केड़ी – केड़ी महिमा करिये
गंगाजळ भरियो वाटको ,
हरख बधावे लेणा रे ।

अरे सोवन थाळी ऊजळी ,
वां में भोजन करिये ।
गुरु घेवर पुड़ियाँ लापसी ,
माथे घिरत घलीजे ॥
सतगुरुसा आया पांवणा ,
केड़ी – केड़ी महिमा करिये ।
गंगाजळ भरियो वाटको ,
हरख बधावे लेणा रे ।

सोवन खेती पारखी ,
उण में पग मतधरणा ।
निर्बल खेती आपणी ,
हर भज लावा लेणा ।।
सतगुरुसा आया पांवणा ,
केड़ी – केड़ी महिमा करिये ।
गंगाजळ भरियो वाटको ,
हरख बधावे लेणा रे ।

सोनो कहिजे सोळमो ,
ओ पीतल भेळ मत कीजे ।
अणदो जी सोनी बोलिया ,
सायब साँच पतीजे ॥
सतगुरुसा आया पांवणा ,
केड़ी – केड़ी महिमा करिये ।
गंगाजळ भरियो वाटको ,
हरख बधावे लेणा रे ।

गुरु ज्ञानी आया पांवणा. guru gyani aaya pawna. guru ji bhajan. satguru ji ke bhajan.

Leave a Reply