गुरु ज्ञानी आया पांवणा Bhajan Hindi Lyrics

हालो रे संतो देवरे ,गुरु जम्मो जोवण हालां ।
एक ऊँचो सिंहासन राम रो , शरणां में शीश नवाया ।
गुरु ज्ञानी आया पांवणा , केड़ी – केड़ी महिमा करिये । २।
गंगाजळ भरियो वाटको , पग तल पाये लेणा ।
केसर रा करणा छांटणा , हरख बधावे लेणा रे ।।

उसकी आम्बा की गेरी छाया , उसमें रे ढोलियो ढळाया ।
गुरु हिंगळु पायां रो ढोलियो , अमर ओसिंगा लेणा ।।
सतगुरुसा आया पांवणा , केड़ी – केड़ी महिमा करिये ।
गंगाजळ भरियो वाटको , हरख बधावे लेणा रे ।

दातण दिराऊँ काची केळ रा , झारी गंगाजळ लेणा ।
भायां सोवण कुण्डी उजळी , वां में नावण करणा ।।
सतगुरुसा आया पांवणा , केड़ी – केड़ी महिमा करिये ।
गंगाजळ भरियो वाटको , हरख बधावे लेणा रे ।

अरे सोवन थाळी ऊजळी , वां में भोजन करिये ।
गुरु घेवर पुड़ियाँ लापसी , माथे घिरत घलीजे ॥
सतगुरुसा आया पांवणा , केड़ी – केड़ी महिमा करिये ।
गंगाजळ भरियो वाटको , हरख बधावे लेणा रे ।

सोवन खेती पारखी , उण में पग मतधरणा ।
निर्बल खेती आपणी , हर भज लावा लेणा ।।
सतगुरुसा आया पांवणा , केड़ी – केड़ी महिमा करिये ।
गंगाजळ भरियो वाटको , हरख बधावे लेणा रे ।

सोनो कहिजे सोळमो , ओ पीतल भेळ मत कीजे ।
अणदो जी सोनी बोलिया , सायब साँच पतीजे ॥
सतगुरुसा आया पांवणा , केड़ी – केड़ी महिमा करिये ।
गंगाजळ भरियो वाटको , हरख बधावे लेणा रे ।

Satgurusa aaya pawna bhajan video
भजन :- गुरु ज्ञानी आया पावणा
गायक :- प्रकाश माली

Leave a Reply