चांदनी तेरस उजियाली माजीसा घर आया भजन लिरिक्स

।। दोहा ।।
जसोल गांव सुहावणो ,कोई मालाणी सिरमौर।
भटियाणी को देवरो ,निवण करा कर जौड़।

चांदनी तेरस उजियाली,
माजीसा घर आया रे।
कोई माजीसा घर आया,
म्हारे आंगण खुशीयां लाया रे।
झीणे झीणे मोतीडा सु ,
आंगणिया मे चौक पुरासु।
दर्शन म्हाने दीजो।
ए चांदनी तेरस उजियाली,
माजीसा घर आया रे।

लाल चुनडीया म्हारी कोई,
माजीसा ने सोवे रे।
माजीसा ने सोवे कोई,
सोना तार जडावो रे।
सिर पर रखडी माँ रे सोवे,
नाक में नथडी माँ रे सोवे,
गले हार प्यारो लागे।
ए चांदनी तेरस उजियाली,
माजीसा घर आया रे।

हाथ में चुडलो बाजूबंद माँ,
प्यारो थारे लागे रे।
नखल्या वाली मेहन्दी मैया,
लाल घनेरी लागे रे।
कडिया कन्दोरो माँ रे सोवे,
पग मे पायल माँ ने सोवे,
बिछ्या रो झनकारो।
ए चांदनी तेरस उजियाली,
माजीसा घर आया रे।

तेरस वाली रात पधारो,
घूमर मैया घालो रे।
घूमर मैया घालो थे तो,
वेगा वेगा आवो रे।
ढोल नगाडा नोपत बाजे,
रमता रमता वेगा आवे,
झालर रो झनकारो।
ए चांदनी तेरस उजियाली,
माजीसा घर आया रे।

हाथ में दिवलो भगत लिनो,
माजीसा ने मनावे रे।
माजीसा ने मनावे मैया,
गुण थारा ए गावे रे।
जसोल वाली माडी म्हारी,
दुख हरणी माँ मंगल करनी,
श्याम पालीवाल’ गावे।
ए चांदनी तेरस उजियाली,
माजीसा घर आया रे।

चांदनी तेरस उजियाली,
माजीसा घर आया रे।
कोई माजीसा घर आया,
म्हारे आंगण खुशीयां लाया रे।
झीणे झीणे मोतीडा सु ,
आंगणिया मे चौक पुरासु।
दर्शन म्हाने दीजो।
ए चांदनी तेरस उजियाली,
माजीसा घर आया रे।

shyam paliwal bhajan lyrics Music video song

चांदनी तेरस उजियाली माजीसा घर आया भजन chandni teras ujiyali majisa ghar aaya majisa bhajan lyrics in hindi
माजीसा भजन लिरिक्स
भजन :- चांदनी तेरस उजियाली
गायक :- श्याम पालीवाल

Leave a Reply