जोबनियो जातो रियो भजन लिरिक्स | jobniyo jato riyo bhajan lyrics

जोबनियो जातो रयो अब ,
आई बुढ़ापा री वार रे ।
वे दिनड़ा जाता रया अब ,
आई बुढ़ापा री वार रे ।।

जन्म्यो उंडी ओरियां जद ,
बाज्या सोवणियां थाळ रे ।
भुआ भतीजों हुलरावियो ,
घर – घर मंगला चार रे ।
जोबनियो जातो । …..

पाँच बरस रो होवियो ,
दड़ियां रमवा जाय रे ।
नितरा लावतो ओलभा ,
घर – घर री लावतो राड़ रे ॥
जोबनियो जातो । …..

बरस पचीसों रो होवियो ,
अब लारे लूम्बाळी नार रे ।
टाबर – टूबर मोकला ,
जिवड़ो पड्यो जंजाल रे ॥
जोबनियो जातो । …..

भरी हथायां बैठता ,
अब कोई न पूछे वात रे ।
हिंगळू ढोलिये पोढता ,
अब नहीं माचलियो में वाण रे ॥
जोबनियो जातो । …..

बहुआं छोड्या घूघटा ,
अब बेटा छोड़ी काण रे ।
ऊना भोजन जीमता ,
अब ठाडा टुकड़ा खाय रे
जोबनियो जातो । …..

जन्तर पड़गा जोजरा ,
ढीला पड़िया हाड रे ।
जाट रूप जी बोलिया ,
परा लबद री बात रे ।।
जोबनियो जातो । …..

shyam paliwal bhajan Video

जोबनियो जातो रियो भजन लिरिक्स
जोबनियो जातो रियो jobniyo jato riyo bhajan lyrics, shyam paliwal bhajan, चेतावनी भजन लिरिक्स,chetavani bhajan lyrics
भजन :- जोबनियो जातो रयो
गायक :- श्याम पालीवाल

Leave a Reply