टप टपाटप खून जरे तेजो नाग सु बात करे तेजाजी भजन

टप टपाटप खून जरे,
तेजो नाग सु बात करे,
टप टप टप टप खून जरे,
तेजो नाग से बात करे,
तू तो बेगो आजा काला,
मने डस मतवाला,
मारे कोनी बस की बात,
आज मेरे खून जरे,
तेजो नाग से बात करे।।

अरे लग लग जीभ करे,
भाटी से तेजो बात करे,
तू तो सासरे में जाजे,
मारी पेमल ने बताजे,
थारो पति गयो सुर लोक,
आज मेरे खून जरे,
तेजो नाग से बात करे।।

अरे मत रोवे लीलण प्यारी,
बात घरा कीजे सारी,
तू तो जाटणी रो जायो,
पुरो वचन निभायो,
ऊंची कर गयो सान,
आज मेरे खून जरे,
तेजो नाग से बात करे।।

अरे सर सर कर कालो आयो,
भाला पर तेजो लिपटायो,
मैरे कर्मा रो झोल,
थारो पुरो कियो कोल,
मारे वचना पर कुर्बान,
आज मेरे खून जरे,
तेजो नाग से बात करे।।

मारा वंश को जो खावे,
नाम लिया थारो बच जावे,
कालो दियो वरदान,
तेजो बण्यो भगवान,
रखी भगता री सान,
आज मेरे खून जरे,
तेजो नाग से बात करे।।

टप टपाटप खून जरे,
तेजो नाग सु बात करे,
टप टप टप टप खून जरे,
तेजो नाग से बात करे,
तू तो बेगो आजा काला,
मने डस मतवाला,
मारे कोनी बस की बात,
आज मेरे खून जरे,
तेजो नाग से बात करे।।

राजस्थानी भजन टप टपाटप खून जरे तेजो नाग सु बात करे तेजाजी भजन

Leave a Reply