थे तो साँचा हो तपधारी राजेश्वर भजन लिरिक्स

। दोहा ।।
संत मिको चाहिए , तज माया अभिमान।
ज्यू ज्यू पग आगे धरे , त्युं त्युं यज्ञ समान।

थे तो साँचा हो तपधारी राजे्वर ,
सुण लो अरजी मारी।
सुण लो अरजी मारी दयालु ,
राजाराम अवतारी।

सम्वत उन्नीस सो उनचालीस ,
चेत सुदी नम आवे।
कलबी कुल में राजाराम ,
थारो जनम कहावे।
थे तो साँचा हो तपधारी राजेश्वर ,
सुण लो अरजी मारी।

जिला जोधपुर मारवाड़ में ,
शिकरपुरो है गांव।
इन कलयुग में दुनिया सारी ,
सिंवरे थारो नाम।
थे तो साँचा हो तपधारी राजेश्वर ,
सुण लो अरजी मारी।

बालपणा में बिन लाठी रे ,
वन में गाया चारी।
राम नाम रो सुमिरण कीनो ,
रया बाल ब्रह्मचारी।
थे तो साँचा हो तपधारी राजेश्वर ,
सुण लो अरजी मारी।

दूर दूर सु दर्शन करवा ,
लोग घनेरा आवे।
धूप दीप सु करे आरती ,
मनचाया फल पावे।
थे तो साँचा हो तपधारी राजेश्वर ,
सुण लो अरजी मारी।

सुन्दर बनियो धाम आपरो ,
महिमा जग में भारी।
केसाराम जी भक्ति भाव सु ,
करे चाकरी थारी।
थे तो साँचा हो तपधारी राजेश्वर ,
सुण लो अरजी मारी।

राजाराम जी थारी महिमा ,
दास अशोक सुनावे।
हिवड़ा में संतोष दिरावो ,
चरणा शीश नवावे।
थे तो साँचा हो तपधारी राजेश्वर ,
सुण लो अरजी मारी।

moinuddin manchala ke bhajan Music video Song

थे तो साँचा हो तपधारी राजेश्वर भजन लिरिक्स Thai To Sacha Ho TapDhari rajaram maharaj ji ke bhajan lyrics
शिकारपुरा राजारामजी का भजन
थे तो साँचा हो तपधारी राजेश्वर
भजन :- थे तो साचा हो तपधारी
गायक :- मोइनुद्दीन मनचला

Leave a Reply