देवी रो अगवानी भेरुजी गगरिया घमकावे भजन लिरिक्स

॥ दोहा ॥

भेरू जी भटका करे ,दिन में सो सो बार।
बाक़ा ने सीधा करे मारो भेरू राज कुँवार।

देवी रो अगवाणी भैरूजी ,घुघरियाँ घमकावे ।
घुघरियाँ घमकावे भैरूजी ,
रूमझुम करतो आवे खेतल , घुघरिया घमकावे ॥

काळा – गोरा भैरूजी ,रा राता – राता नैण ।
मंछा पूरण करे खेतलो ,है भगतां रो सैण ।
सोवन चुटियो हाथ में सोवे ,
रूमझुम करतो आवे खेतल , घुघरिया घमकावे ॥

कळियुग रो अवतारी रे ,भैरूजी सोनाणे विराजे ।
तेल सिन्दूर थारे चढे चूरमो ,ढोल नगारा बाजे ।
माली पन्नारो बागो पहरावे ,
रूमझुम करतो आवे खेतल , घुघरिया घमकावे ॥

बारहे मणां रा चढे बाकळा , तेरहे घाणी रो तेल।
सोनाणे रा दरशन करलो , आसी खेतल बेल ।
जगदम्बारे चँवर ढुलावे ,
रूमझुम करतो आवे खेतल , घुघरिया घमकावे ।

सोनाणा भैरू रा ,परचा पड़रया है हद भारी ।
चैत्रसुदी एकम् खेतला रो ,मेळो भरीजे भारी ।
शांतिलाल जी स्वर्ग सिधारया ,
महेन्द्र कुशल गावे खेतल , घुघरिया घमकावे

sonu sisodiya bhajan Video

देवी रो अगवानी भेरुजी गगरिया घमकावे devi ro agwani bheruji ghughariya ghamkave, sonu sisodiya bhajan, bheru ji bhajan lyrics
भजन :- देवी रो अगवाणी भैरूजी
गायिका :- सोनू सिसोदिया

Leave a Reply