नाम रो दीवानों ज्यारो कोई क्या करे भजन लिरिक्स

।। दोहा ।।
हस्ती बांधा ठान पे , लश्कर पड़ी पुकार।
दरवाजा जड़िया रया , निकल गया असवार।

नाम रो दीवानो ज्यांरो ,
कोई क्या करे रे ।
ज्यांने देख्यां भूत भागे ,
काळ जम डरे रे ॥

दिन में एक सूरज चमक्यो ,
ज्यांरी अमियाँ झुरे रे ।
देखे जोगी अमर होजा ,
भण्डारा भरे रे ॥
नाम रो दीवानो । ….

अजर प्याला ज्यारे जोगी ,
सुन में झरे रे ।
पीले जोगी अमर होजा ,
जनमें ना मरे रे ।।
नाम रो दीवानो । ….

अष्ट सिद्धि नव निधि ज्यांरी ,
हाजरी भरे रे ।
पीले जोगी अमर होजा ,
भण्डारा भरे रे ॥
नाम रो दीवानो । ….

लादूनाथ मिल्या गुरु पूरा ,
मिल्या कारज सरे रे ।
केवे किशना नाथ जोगी ,
जनमें ना मरे रे ॥
नाम रो दीवानो । ….

gajendra rao bhajan Video

नाम रो दीवानो भजन nam ro diwano bhajan, गजेंद्र राव भजन, gajendra rao bhajan, chetawani bhajan lyrics,desi marwadi bhajan lyrics
भजन :- नाम रो दीवानो ज्यांरो
गायक :- गजेंद्र राव

Leave a Reply