पहला जेड़ा प्रेम हमेशा कोनी रेवे भजन लिरिक्स

॥ दोहा ॥
प्रेम नाम अनमोल है , सदा राखिये पास ।
जो जन प्रेम का दास है , सो ही राम का दास ॥

पहला जेड़ा प्रेम ,
हमेशा कोनी रेवे ओ ।
नेम धरम थारा ,
छाना कोनी रेवे ओ ।
पाप कियोडा थारा ,
छाना कोनी रेवे ओ ।
बरस्योड़ा री बातड़ी ,
बटाऊ बीरो केवे ओ ॥

काचे तागे ताणो तणियो ,
तणियो पेला टूटे ओ ।
ओछे जलरा नाडिया ए ,
बरस्यां पेला फूटे ओ ॥
पहला जेड़ा । …..

नीम जेड़ा कड़वा खारा ,
मीठा किण विध होवे ओ ।
दूधां धोवो कोयला ए ,
उजळा कोनी वेला ओ ॥
पहला जेड़ा । …..

संत रे घर शंखणी आ ,
फूहड़ रे घर नार ओ ।
रूप दीनो रोहिड़ा ने ,
भूल गयो किरतार ओ ।
माया दीनी मूरख ने ओ ,
भूल गयो किरतार ओ ॥
पहला जेड़ा । …..

बोले बाई रूपां दे ,
उगम सिंह जीरी चेली ओ
छाणियोड़ा दूध ,
अण छाणियोड़ा पाणी ओ ॥
पहला जेड़ा । …..

sunita swami bhajan video

पहला जेड़ा प्रेम हमेशा कोनी रेवे pela jeda prem hamesha koni reve bhajan, sunita swami bhajan, chetawani bhajan lyrics
भजन :- पहला जेडा प्रेम हमेशा
गायिका :- सुनीता स्वामी वैष्णव

Leave a Reply