पाला – पाला चालो बाबो भली करेला भजन लिरिक्स

॥ दोहा ॥
अबला री अरदास सुणी, आया रामापीर।
पिछम धरा रा राजवी , बाई सुगणा रा वीर।

पाला – पाला चालो ,
बाबो भली करेला ।
राम रूणीचा वाळो ,
बाबो भली करेला ।।

चाहे माथे तपे तावड़ो ,
मत इण सूं घबरावो जी ।
जय बाबे री जय बाबेरी ,
गाता – गाता आवो जी ।
दूर थकेलो थारो ,
रामो धणी करेला ॥
राम रूणीचा वाळो ,
बाबो भली करेला ।

नाथ द्वारका वाळो बाबो ,
अजमल घर अवतारी है ।
इण कळजुग में रामदेव री ,
लीला सबसूं न्यारी है ।
किरपा भगतां माथे ,
बाबो घणी करेला ।
राम रूणीचा वाळो ,
बाबो भली करेला ।

हिन्दू मुस्लिम भाई – भाई ,
सगळा हिलमिल चालो जी ।
जात – पात रो भेद मिटायो ,
मेणादे रो लालो जी ।
दर्शण करियाँ मन रे ,
बाग में कळी खिलेला ।
राम रूणीचा वाळो ,
बाबो भली करेला ।

ढोल नगाड़ा शंख बजावो ,
बाबा रा गुण गावो जी ।
घिरत चूरमा और मिठाई ,
मीठा भोग चढ़ावो जी ।
भर देसी भण्डार ,
कदे ना कमी करेला ॥
राम रूणीचा वाळो ,
बाबो भली करेला ।

रामदेव री महिमा कोई ,
दास अशोक सुणावे जी ।
भादरवे री बीज देव रे ,
चरणां शीश नमावे जी ।
हाथ शीश पर ,
म्हारे रामो धणी धरेला ।
राम रूणीचा वाळो ,
बाबो भली करेला ।

पाला – पाला चालो बाबो भली करेला pala pala chalo babo bhali karela, ram runicha walo babo bhali karela, prakash mali bhajan, baba ramdev ji bhajan

Leave a Reply