।। दोहा ।।
रामा कहु की राम देव ,के हीरा कहु की लाल।
अरज करू अजमाल रा ,थे आवो जल्दी जान।
बण बादल भगता पर बरसो ,
इंद्र जु गरणाओ।
धजा बंद रामा राज बदाओ।
आज मारे पाठ अलख जिको मन्डीयो ,
लाग्यो गणो उमाओ।
कलश थरपना करी रे अलखरी ,
सुगरा रे साथ बुलाओ।
धजा बंद रामा राज बदाओ ।
बण बादल …..
कदीक बालक कदीक बुडा ,
पल पल रुप बणाणो।
बालक बण अजमल घर आया ,
नीत उठ परचा पाओ।
धजा बंद रामा राज बदाओ।
बण बादल …..
थे तो रे देव कला का पूरा ,
सामरथ देव कहाओ।
आगे रे भगत अनेक उबार्या ,
अबके रे माने उबारो।
धजा बंद रामा राज बदाओ।
बण बादल …..
लीले रे चढ़ने आप पधारो ,
भगता के आंगण आओ।
दे परिक्रमा शीश नमावा ,
चरणा मे भगत रमाओ।
धजा बंद रामा राज बदाओ।
बण बादल …..
आंधा ने आख्या पाव पांगला ,
सबकी आस पुराओ।
अपरम पार अलख थारी माया ,
कोडिया रा कलंक मीटाओ।
धजा बंद रामा राज बदाओ।
बण बादल …..
चंदो बारठ सरणे गुरा के ,
देव निरंजन धाओ।
बाबो बेङो पार करेलो ,
अजमल जी रो लालो।
धजा बंद रामा राज बदाओ।
बण बादल …..
सांवरमल सैनी के भजन | sanwarmal saini ke bhajan video
बण बादल भगता पर बरसो, ban badal bhagta par barso, baba ramdev ji bhajan mp3,रामदेवजी का भजन, सांवरमल सैनी के भजन
रामदेवजी का भजन lyrics in Hindi
भजन :- बन बादल भगता पर बरसो
गायक :- सांवरमल सैनी
