बिना निवण कुण तिरिया Bhajan hindi lyrics

आदु -आदु पंथ निवण पद मोटो ,संगत संतों वाळी करिया रे
साधुभाई ! बिना निवण कुण तिरिया ।

मूळ रे कमल बिच चारों चौकी , गणपत आसन धरिया ।
आसण मार इदक होय बैठा , जाप अजम्पा जपिया रे
साधुभाई ! बिना निवण कुण तिरिया ।।

पेलो निवण म्हारा मात – पिता ने , उत्पुत पालन करिया ।
दूजो निवण इण धरती माता ने , जिण पर पगल्या धरिया रे
साधुभाई ! बिना निवण कुण तिरिया ।।

तीजो निवण म्हारे गुरा पीरां ने , हृदये उजाळा करिया ।
चौथो निवण इण सतरी संगत ने , जिण में आय सुधरिया रे
साधुभाई ! बिना निवण कुण तिरिया ॥

निवण करूं म्हारा ज्योति सरूपी , होय इन्दर होलरिया
इमरत बूंदां बरसण लागी , मान सरोवर भरिया रे
साधुभाई ! बिना निवण कुण तिरिया ।

बिना पाळ भवसागर भरिया , गुरु शरणां में उबरिया ।
गुरु शरणे माळी लिखमो जी बोले , भूल भरम सब टळिया रे
साधुभाई ! बिना निवण कुण तिरिया ।।

bina nivan kun tiriya bhajan lyrics prakash mali bhajan
भजन :- बिना निवण कुण तिरिया
गायक :- प्रकाश माली

Leave a Reply