बेटा तो माचा पर पोडे दादा जावे ढान्डा मे भजन

।। दोहा ।।
गुणवानो की गरज़ नहीं , अकल के लम्बे लाट गणा।
ऊचे आसान पे बैठ के ,पंडित गुरुदेव डाट गणा।।

वेद शास्त्र सब घेणे मेल्या ,
लाज सरम सब खाडा में।
बेटा तो माचा पर पोढ़े ,
दादा जावे ढांढा में।

जीवे जतरे चाय नी पावे ,
मरिया कूड़े मसाणा में।
बार दना तक मिठो भोजन ,
देखो बनावे खाना में।
बेटा तो माचा। ….

छाती कुटे मनक हसावे ,
अस्या लखन है लुगाया में।
बेटा तो माचा पर पोढ़े ,
दादा जावे ढांढा में।

सासु जी या बहु ज्यू रेवे ,
भतीजी रेवे बुआ ज्यू।
खुद ने बहु दादीजी समझे ,
ओर ने समझे जुआ ज्यू।
पड़िया लखन मिटबा का कोनी ,
ज्योई लखन है कांडा में ।
बेटा तो माचा। ….

बेन भांजा आ जावे ,
जाणे लाय लगी है काटा में।
साला साली आ जावे ,
तो अमृत बरसे बाता में।
बेटा तो माचा। ….

घर की शक्कर खाटी लागे ,
लूण पराया है मीठा।
गंडक ज्यू गालिया में दौड़े ,
कई माजनो है नंगटा।
बेटा तो माचा। ….

माँ बापा को काण कायदो ,
ऊचो टेरियो खुटिया में।
बहु बोली मारा सासुजी ,
थे कद जावोला बैकुण्ठा में।
बेटा तो माचा। ….

बेटा तो माचा पर पोडे दादा जावे ढान्डा मे भजन beta to macha par pode rajasthani chetawani bhajan hindi bhajan with lyrics

Leave a Reply