।। दोहा ।।
प्रथम गुरु महाराज को तो, चरण निवावूँ शीश।
हाथ जोड़ विनती करूँ, गुरु ज्ञान करो बख्शीस।
भली करी गुरु दाता ,
जिव राख्यो चौरासी में जाता।
भूलू नहीं लाखो बाता ,
म्हारे गुरु वचनो रा नाता।
करम गली में आयो ,
करमां सु काठो कलायो।
गुरु बचा लियो दोनूं हाथां ,
म्हारे गुरु वचनो रा नाता।
भली करी …
पगां तणो पांगलियो ,
म्हारा सतगुरु हेलो सांभळियो।
नहीं तो रन वन में रह जाता ,
म्हारे गुरु वचनो रा नाता।
भली करी …
आँख्यां छतो अंधारो ,
गुरु भूण्डो हाल हमारो।
सत्संग रा खेल बताया ,
म्हारे गुरु वचनो रा नाता।
भली करी …
मोह माया री नदी है भारी,
जिण में बह गयो कई वारि।
गुरु बचा लियो बह जाता,
म्हारे गुरु वचनो रा नाता।
भली करी …
सतगुरु सेण बताई ,
साधु सिमरथ राम सुधि पाई।
गुरु चरणों में राता माता ,
म्हारे गुरु वचनो रा नाता।
भली करी गुरुदाता ,
जिव राख्यो चौरासी में जाता।
भूलू नहीं लाखो बाता ,
म्हारे गुरु वचनो रा नाता।
सतगुरु के भजन | मोइनुद्दीन मनचला के भजन video
भली करी गुरु दाता bhali kari guru data bhajan गुरु महिमा भजन लिरिक्स
गुरु महिमा भजन लिरिक्स in hindi
भजन :- भली करी गुरुदाता
गायक :- मोइनुद्दीन मनचला
