भादवा री बीज बाबा आज थाने आनो है भजन लिरिक्स

।। दोहा ।।
धाम रूणीचै रा धणी, नाम राम सा पीर।
काम भगत जन रा करै, राख ह्रदा मन धीर।

भादरवा री बीज बाबा ,
आज थाने आणो है।
म्हाने दरश दिखाणो है ,
भादरवा री बीज।

गांव रुणिचा में , दरबार है थारो ,
दयालु आपरो।
सेवा में थारी , सगळा खड़ा दिखे ,
हुकम बस आपरो।
चरणा में थारी ,
म्हाने आज बिछ जाणो है।
भादरवा री बीज बाबा ,
आज थाने आणो है।

माळवो ध्यावे ,गुजरात भी ध्यावे ,
ध्यावे थाने राजवी।
नाम सु थारे, सब रोग कट जावे ,
आ महिमा आपरी।
दुखड़ा मेटण हार ,
बाबा नाम थारो साचो है।
भादरवा री बीज बाबा ,
आज थाने आणो है।

भादरवा री बीज, अजमाल रा कंवरा,
मेलो लागे आपरो।
यात्री आवे ले, आस मनडा मे,
भरोसो आपरो।
भगता रा हर काम,
बाबा पार लगानो है।
भादरवा री बीज बाबा ,
आज थाने आणो है।

कष्ट हर लीजो, भंडार भर दीजो ,
अरज सा दास री।
आसरो दीजो, भव पार कर दीजो ,
भंवर में नावडी।
आज चरणा में ,
बाबा अशोक थारे आयो है।
भादरवा री बीज बाबा ,
आज थाने आणो है।

marwadi desi hindi bhajan music video song bhkati

भादवा री बीज बाबा आज थाने आनो है भजन लिरिक्स bhadarva ri bij baba aaj thane aano bhajan lyrics
बाबा रामदेव जी भजन लिरिक्स
भजन :- भादरवा री बीज बाबा
गायक :- महेश सवाला

Leave a Reply