मारा रसिया बालम रे भजन लिरिक्स

॥ दोहा ॥
पेला बरसु माळवे , ने पछे बरसूं मेवाड़ ।
आबू मत कर ओरथो , मैं बरसूं बारम्बार ॥

वे गया घोड़लिये असवार ,
म्हारा रसिया बालम रे ।
देलवाड़े आय ने ढाळो ढाळियो रे ,
गढ आबू माथे रे ।।

वठे कीनो कारीगरी रो काम ,
म्हारा रसिया बालम रे ।
वठे रे बणाई मूरत सोवणी रे ,
गढ आबू माथे रे ॥

जितरे आयो राजाजी रो हाथि ,
म्हारा रसिया बालम रे ।
मूरति री शोभा वे तो देखली रे ,
गढ आबू माथे रे ।।

वठे बोल्या राजाजी ए बोल ,
म्हारा रसिया बालम रे ।
एक तो रात में नक्की खोदणी रे ,
गढ आबू माथे रे ।।

एक रात में नक्की परी खोद ,
म्हारा रसिया बालम रे ।
थने तो परणा दूं म्हारी दीकरी रे ,
गढ आबू माथे रे ॥

रसियो कीनी अधर देवी ने याद ,
म्हारा रसिया बालम रे ।
देवी देवतों ने वठे बुलाविया रे ,
गढ आबू माथे रे ।।

लीना – लीना गेंती पावड़ा हाथ ,
म्हारा रसिया बालम रे ।
एक तो रात में नक्की खोद ली रे ,
गढ आबू माथे रे ।।

खोद्यो खोद्यो नक्की रे तळाव ,
म्हारा रसिया बालम रे ।
ए चारों रे पावड़ियाँ वे तो बांधिया रे ,
गढ़ आबू माथे रे ॥

लाया – लाया हाथी ने घुड़वाल ,
म्हारा रसिया बालम रे ।
हाथी पे असवार रसियो होवियो रे ,
गढ़ आबू माथे रे ॥

रसियो आयो सोंभेळा रे माँय ,
म्हारा रसिया बालम रे ।
सोने री बेड़कियों सूं बधाविया रे ,
गढ़ आबू माथे रे ।।

रसियो आयो तोरणिया रे माँय ,
म्हारा रसिया बालम रे ।
सोना री चिरकलियाँ तोरण वोंदियो रे ,
गढ़ आबू माथे रे ।।

रसियो आयो चँवरियो रे मांय ,
म्हारा रसिया बालम रे ।
हीरा ने पन्ना री चँवरी मांड दी रे ,
गढ आबू माथे रे ।।

सासू कीनो मन में विचार ,
म्हारा रसिया बालम रे ।
कियां रे घरों रा वाळा वाळता रे ,
गढ़ आबू माथे रे ॥

पछे सासू धरियो कूकड़ा रो वेश ,
म्हारा रसिया बालम रे ।
कूकड़ो वणे ने कवेळा बोलियो रे ,
गढ़ आबू माथे रे ॥

रसिये कीनो मन में विचार ,
म्हारा रसिया बालम रे ।
ए बाळा ने भोळा रा विजोड़ा पाड़िया रे ,
गढ़ आबू माथे रे ॥

रसिये धरियो मिनकी रो वेश ,
म्हारा रसिया बालम रे ।
ए मिनकी वणे ने कूकड़ा ने मारियो रे ,
गढ़ आबू माथे रे ॥ .

जाइजो थारो खोज ने खराब ,
म्हारा रसिया बालम रे ।
ए बाळा ने भोळा रा विजोड़ा पाड़िया रे ,
गढ़ आबू माथे रे ॥

वठे दीनो सासुड़ी ने श्राप ,
म्हारा रसिया बालम रे ।
पथर री मूरत थे तो वेवजो रे ,
गढ़ आबू माथे रे ॥

पथर री तो मूरत बण गया आप ,
म्हारा रसिया बालम रे ।
वे गया अमर रह गई वासना रे ,
गढ़आबू माथे रे ॥

rasiya balam ki katha | prakash mali ke bhajan Video

मारा रसिया बालम रे mara rasiya balam re, rasiya balam ki katha, marwari bhajan, rajasthani desi bhajan, prakash mali ke bhajan
भजन :- म्हारा रसिया बालम रे
गायक :- प्रकाश माली

Leave a Reply