म्हाने अबके बचाले म्हारी माय बटाऊ आयो लेवण ने भजन लिरिक्स

।। दोहा ।।
आया है सो जायेगा ,राजा रंक फ़क़ीर।
एक सिंहासन चढ़ चले , एक बंधे जंजीर।

ओ म्हाने अबके बचाले म्हारी माँय ,
बटाऊ आयो लेवा ने ॥

आठ कोठड़ी दस दरवाजा ,
इण मंदिरिये माँय ।
लुकती छिपती मैं फिरूं रे ,
लुकती रे छोडे बैरी नाँय।
बटाऊ आयो लेवा ने ॥
ओ म्हाने अबके । ….

हाथ जोड़ कन्या कहे रे ,
सुण मायड़ म्हारी बात ।
अबके बटाऊ ने पाछो कर दे ,
फेर चालुली वां रे साथ ।
बटाऊ आयो लेवा ने ॥
ओ म्हाने अबके । ….

सावण रा दिन सतरा बीत्या ,
आई तीज परभात ।
रमण खेलण री मन में रह गई ,
छोड्यो सहेल्यों रो साथ ।
बटाऊ आयो लेवा ने ॥
ओ म्हाने अबके । ….

मात – पिता और कुटुम कबीलो ,
फेरयो सिर पर हाथ ।
पाँच भायां री बहन लाडली ,
कोई नी चाल्यो विण रे साथ।
बटाऊ आयो लेवा ने ॥
ओ म्हाने अबके । ….

कहत कबीर सुणो भाई संतों ,
यूं सासरिये जाय ।
इण सासरिये सबने ही जाणो ,
लेलो रामजी रो नाम।
बटाऊ आयोलेवाने ॥
ओ म्हाने अबके । ….

anil nagori bhajan download Video

बटाऊ आयो लेवण ने batau aayo levan ne bhajan, anil nagori bhajan download, चेतावनी भजन लिरिक्स, desi marwadi bhajan

Leave a Reply