म्हारा भंवरा रे चेतावनी भजन लिरिक्स

।। दोहा ।।
कहे संत संग्राम , हाथ में हीरा आया।
समझयो नहीं व्यव्हार , गाल गोपण में भाया।

भावत भावत भाविया , लारे बचीयो एक।
आयो हीरा रो पारखी , रोयो मातो टेक।

म्हारा भंवरा रे ,
जोवे जमीं पर पगला धरणा ।
म्हारा भंवरा रे ,
भाळे भाळे ने वस्तु लेणा ॥

उंडा सागर रो हंसा ,
संगड़ो नहीं करणो रे ,
पाळ बैठेने पगला धोणा ।
पाळ बैठे ने पगला धोणा ,
म्हारा भंवरा रे ॥
म्हारा भंवरा। …..

ऊंचा तरवर रो हंसा ,
संगड़ो नहीं करणो रे ,
नीचे पड़ियोड़ा फळ खाणा ॥
नीचे पड़ियोडा फळ खाणा ,
म्हारा भंवरा रे ॥
म्हारा भंवरा। …..

नव सौ रे नदियाँ ,
निनाणु नाळा ,
एतो उतरणा घणा दोरा ।
एतो उतरणा घणा दोरा ,
म्हारा भंवरा रे ।।
म्हारा भंवरा। …..

पर नारी रो हंसा ,
संगड़ो नहीं करणो रे ,
पथ पंचों में नहीं खोणा ।
पथ पंचों में नहीं खोणा ,
म्हारा भंवरा रे ।।
म्हारा भंवरा। …..

भणत कबीर सा केवे ,
सुणो भाई साधु ओ ,
राम जीने लागे वे नर प्यारा ।
राम जीने लागे वे नर प्यारा ,
म्हारा भंवरा रे ॥
म्हारा भंवरा। …..

prakash mali bhajan rajasthani video

म्हारा भंवरा रे चेतावनी भजन mara bhavra re ,चेतावनी भजन, chetavani bhajan, prakash mali bhajan rajasthani
भजन :- म्हारा भंवरा रे
गायक :- प्रकाश माली

Leave a Reply