म्हारो हेलो साम्भळो जी भजन लिरिक्स

॥ दोहा ॥
जद जद भार बढ्यो धरती पर , हरि लियो अवतार ।
पापी दुष्टां ने मारीया , निकलंक नेजा धार ॥

हेलो म्हारो साम्भळो ,
रूणीचे रा नाथ ।
हुकम होवे तो धणिया ,
आय जोडू हाथ ।
म्हारे हेलो ,
साम्भळो जियो , जियो , जियो ।

देसूरी रो वाणियो ,
यातरा ने जाय ।
सामी मिळियो चोरटो ,
वो झूठी सौगन खाय ।
म्हारो हेलो साम्भळो ,
रूणीचे रा नाथ ।।

डीगी – डीगी झाड़ियाँ ने ,
मधुरा बोले मोर ।
तीन तो है यातरी ने ,
चौथो मिळगो चोर ।।
म्हारो हेलो साम्भळो ,
रूणीचे रा नाथ ।

गेरी गेरी झाड़ियाँ में ,
विरंगा बोले मोर ।
मार दीनो वाणियाँ ने ,
धन ले गयो चोर ।।
म्हारो हेलो साम्भळो ,
रूणीचे रा नाथ ।

ऊभी ऊभी अबळा ,
करे है पुकार ।
कठीने गयो रे म्हारो ,
लीले रो असवार ॥
म्हारो हेलो साम्भळो ,
रूणीचे रा नाथ ।

लीलो लीलो घोड़लो ने ,
भालो लीनो हाथ ।
सेठाणी री बेल चढ़िया ,
रूणीचा रा नाथ ॥
म्हारो हेलो साम्भळो ,
रूणीचे रा नाथ ॥

ऊबो रे तूं चोरटा ,
कठीने तू जाय ।
बाणिया रो माल तू ,
कितरा दिन खाय ।।
म्हारो हेलो साम्भळो ,
रूणीचे रा नाथ ॥

फोड़ दीवी आँखियाँ ने ,
काढ दीनो कोढ ।
दुनियाँ तो देखण ने बाबा ,
जीवतो तू छोड़ ॥
म्हारो हेलो साम्भळो ,
रूणीचे रा नाथ ।।

उठे नी तू सेठाणी ,
धड़ सूं माथो जोड़ ।
बाणियो उठेला झट ,
आळस मरोड़ ।
म्हारो हेलो साम्भळो ,
रूणीचे रा नाथ ॥

गावे दल्लो वाणियो रे ,
भली राखी टेक ।
गाँव रूणीचा में ,
ले लीनो भेख ॥
म्हारो हेलो साम्भळो ,
रूणीचे रा नाथ ॥

म्हारो हेलो साम्भळो जी, maro helo sambhlo, helo maro sambhlo ranuja na raja, baba ramdev ji bhajan, marwadi desi bhajan, helo maro sambhlo song

Leave a Reply