रामदेव जी रो ब्याव मंडियो रुणिचा भजन लिरिक्स

रामदेव जी रो ब्याव मंड्यो रुणिचे।
सोने रे पाट बैठाय बाबो ,
तेल चढ्यो रुणिचे।

है तेल चढ्यो हल्दी रंग चढ्यो रुणिचे।
अजमल जी रो कंवरो आज सज्यो ,
है बिन्द बण्यो रुणिचे।

ढोल नगारा आज घुरया आंगणिये।
बाई लाछा सुगना नाचे गावे ,
कोड करे आंगणिये।

है कोड करे भाई पीठी करे आंगणिये।
केसरिया बागो तुर्रा किलंगी ,
बाबो बिन्द बण्यो आंगणिये।

हिंदवाणों सूरज चमके है, चमके है।
तंवरा रो कंवरो बिन्द बण्योड़ो ,
पलके है ,पलके है।

है कमर कटारो हाथ में भालो भलके है।
लीले असवारया आज ,
बाबो मुलके है ,मुलके है।

ओळो दोळो निरखे बनड़ी ,
बनड़ो केडो फूटरो।
गेरो गेरो निरखे नेतल बनड़ो ,
केडो केडो फूटरो।

ईने बीरमदे सिँगारयो ए बनड़ी ,
बनड़ो एडो फूटरो।
ईने बीरमदे सिँगारयो ए बनड़ी ,
बनड़ो ऐडो ऐडो फूटरो।

गेरो गेरो निरखे सासु ,
बनड़ो केडो फूटरो।
गेरो गेरो निरखे सासु ,
बनड़ो केडो केडो फूटरो।

ईने हडबू जी सिँगारयो ए नेतल
बनड़ो केडो फूटरो।
ई ने हडबू जी सिँगारियो ई बनड़ी ,
बाबो लागे फूटरो।

ओळो दोळो निरखे सखियाँ ,
बनड़ो केडो फूटरो।
गेरो गेरो निरखे सखियाँ ,
बनड़ो केडो फूटरो।

ई ने मेणादे सिँगारियो ए नेतल ,
बनड़ो ऐड़ो फूटरो।
ई ने सुगना बाई सिँगारियो ए बनड़ी ,
बनड़ो ऐड़ो फूटरो।

जल्ला रे में तो राज रा डेरा निरखण आई रे।
ओ मारी जोड़ी रा जल्ला ,
हो मिरगा नैणी रा जल्ला।
में तो राज रा डेरा निरखण आई रे।

सोढा रे आंगण आज बाबो ,
परणीजे जी परणीजे।
ओ तो अमरकोट रे माय बाबो ,
परणीजे जी परणीजे।
नेतल रो खुलियो भाग बाबो ,
परणीजे जी परणीजे।
पगल्या दे पगा चलाय बाबो ,
परणीजे जी परणीजे।

चंवरया में पकड्यो हाथ बाबो ,
परणीजे जी परणीजे।
ओ तो तीन लोक रो नाथ बाबो ,
परणीजे जी परणीजे।
ओ तो मूलक मूलक पग राख बाबो ,
परणीजे जी परणीजे।
ए तो फेरा लीना चार बाबो ,
परणीजे जी परणीजे।

पेलो फेरो फिरियो नेतल ,
बाबोसा री लाड़ली।
दूजो फेरो फिरियो नेतल ,
माताजी री धीवड़ी।
तीजो फेरो फिरियो नेतल ,
काका री भतीजी।
चौथो फेरो फिरियो नेतल ,
होया रे पराया।

सेंवारिया रा दान बाई रा बाबोसा तो देवे ,
आई रे धर्मिया री वेळा ओ राज।
गाया भेस्या दान बाई ने माताजी तो देवे ,
आई रे धर्मिया री वेळा ओ राज।
हाथा रा हथफूल बाई ने मामोसा तो देवे ,
आई रे धर्मिया री वेळा ओ राज।

दो नी बाबोसा बाई ने डायजो रे ,
म्हारी नेतल बाई सासरिये जाय। २।

मोरियो रे माय म्हारे बाबोसा री लाडक ,
चाली सासरे ओ राज ,मोरियो।
मोरियो रे माय म्हारे काकाजी ऋ लाडक ,
चाली सासरे ओ राज ,मोरियो।
मोरियो रे माय म्हारी बुआ री भतीजी ,
चाली सासरे ओ राज ,मोरियो।

mahendra singh rathore bhajan

रामदेव जी रो ब्याव मंडियो रुणिचा ramdev ji ro byav mandiyo baba ramdev ji bhajan lyrics in hindi
रामदेव जी के भजन लिखे हुए
भजन : रामदेव जी रो ब्याव मंड्यो
गायक :- महेंद्र सिंह

Leave a Reply