राम भजो विश्वास राखजो राम भजो डर काहे को भजन लिरिक्स

।। दोहा ।।
सतगुरु मेरा बणिया , और में संतन की देह।
रोम रोम में बस गया , ज्यू बादल बिच मेघ।

भजो जाको विश्वास राखजो ,
सायब भिड़ी थांको।
संता राम भजो डर काको।

श्रीयादे सिमरण ने बैठी ,
नेचो राखो धणिया को।
बळति अग्निमु बचिया उबारिया,
आव पाक ग्यो आको।
संता राम भजो डर काको।
भजो जाको ….

भक्त प्रहलाद ने पर्चो पायो ,
पायो साथ सतिया को।
ताता खम्ब से बाथ भराई ,
मेट्यो नाम पिता को।
संता राम भजो डर काको।
भजो जाको ….

दस माथा ज्याके बीस भुजा है,
रावण बण गयो बांको।
एक एक ने काट भगाया ,
पतो न राख्यो वाको।
संता राम भजो डर काको।
भजो जाको ….

गज ग्राहक लड़े जल भीतर ,
लड़त लड़त गज थाको।
गज की कूच सुनी दरगाह में,
गरुड़ छोड़कर भागो।
संता राम भजो डर काको।
भजो जाको ….

कौरव पांडवा के भारत रचियो ,
होयो मरबा को हाको।
पांडवा के भिड़ु कृष्ण चढ़ आया,
बाल न हुयो बांको।
संता राम भजो डर काको।
भजो जाको ….

भारत मे भॅवरी का अंडा,
बले काळजो मां को।
गज का घंटा टूट पड़ा है ,
बांण मोखला फांको।
संता राम भजो डर काको।
भजो जाको ….

कोरवा का भेज्या पांडव रे आया,
कोने दोष गुरां को।
तीन बात की करी थरपना ,
पेड़ लगायो आम्बा को।
संता राम भजो डर काको।
भजो जाको ….

के लख कहु के लख वर्णों ,
सारियो काज गणा को।
सूरदास की आई विनती ,
सत्य वचन मुख भाको।
संता राम भजो डर काको।
भजो जाको ….

champa lal prajapati bhajan video

https://www.youtube.com/watch?v=jHunnElfwWk

राम भजो विश्वास राखजो राम भजो डर काहे को भजन, ram bhajo vishwas rakho सूरदास जी के भजन
राम भजो डर काहे को भजन hindi lyrics सूरदास जी के भजन
भजन :- संता राम भजो डर काको
गायक :- चंपा लाल प्रजापत

Leave a Reply