रूणिचा जावणा बाबा रा गुण गावना केसर तिलक लगावना जी

रूणिचा जावणा बाबा रा गुण गावना,
केसर तिलक लगावना जी,
कलजुग में अवतार बापजी,
हिलमिल गीत सुनावना जी,
कलजुग मे अवतार बापजी,
हिलमिल गीत सुनावना जी।।

अरे धोरां धरती गाँव रूनीचे,
आप बडा अवतारी जी,
धोरां धरती गाँव रूनीचे,
आप बडा अवतारी जी,
अजमलजी रा लाल कहाया,
जाणे दुनिया सारी जी,
अजमलजी रा लाल कहाया,
जाणे दुनिया सारी जी,
रूनीचा जावणा बाबा रा गुण गावना,
केसर तिलक लगावना जी।।

ए मैणादे ने रामदेव जी,
परचो आप दिखायो जी,
ए मैणादे ने रामदेव जी,
परचो आप दिखायो जी,
दूध उपनतो पल में बाबा,
झालो देय ढबायो जी,
दूध उपनतो पल में बाबा,
झालो देय ढबायो जी,
रूनीचा जावणा बाबा रा गुण गावना,
केसर तिलक लगावना जी।।

अरे बिन्जारा ने परचो दीनो,
मिसरी लून बनायो जी,
बिन्जारा ने परचो दीनो,
मिसरी लून बनायो जी,
अरे बिन्जारो पाछे पछतायो,
चरना शिश नमायो जी,
बिन्जारो पाछे पछतायो,
चरना मे शिश नमायो जी,
रूनीचा जावणा बाबा रा गुण गावना,
केसर तिलक लगावना जी।।

जग में हिन्दवा पीर कहाया,
निकलंक नेजाधारी जी,
जग में हिन्दवा पीर कहाया,
निकलंक नेजाधारी जी,
केसरियो बाबो हद सोवे,
लीले री असवारी जी,
केसरियो बाबो हद सोवे,
लीले री असवारी जी,
रूनीचा जावणा बाबा रा गुण गावना,
केसर तिलक लगावना जी।।

मास भादवे मेलो लागे,
भीड़ पडे भगता री जी,
मास भादवे मेलो जी लागे,
भीड़ पडे भगता री जी,
दीन दुखी रा दुखडा मेटे,
रामदेव अवतारी जी,
दीन दुखी रा दुखडा मेटे,
रामदेव अवतारी जी,
रूनीचा जावणा बाबा रा गुण गावना,
केसर तिलक लगावना जी।।

दास अशोक सुनावे बाबा,
सुनलो विनती म्हारी जी,
दास अशोक सुनावे बाबा,
विनती सुनलो म्हारी जी,
भवसागर सु पार लगावो,
एक आस है म्हारी जी,
भवसागर सु पार लगावो,
एक आस है म्हारी जी,
रूनीचा जावणा बाबा रा गुण गावना,
केसर तिलक लगावना जी।।

रूणिचा जावणा बाबा रा गुण गावना,
केसर तिलक लगावना जी,
कलजुग में अवतार बापजी,
हिलमिल गीत सुनावना जी,
कलजुग मे अवतार बापजी,
हिलमिल गीत सुनावना जी।।

गायक – प्रकाश माली जी।
प्रकाश माली भजन रूणिचा जावणा बाबा रा गुण गावना केसर तिलक लगावना जी
रूणिचा जावणा बाबा रा गुण गावना केसर तिलक लगावना जी

This Post Has One Comment

Leave a Reply