सतगुरु आया पावणा परमेश्वर आया पावणा भजन लिरिक्स

।। दोहा ।।
सतगुरु मेरा बाणिया , बीणज करे जो पार।
बिन डंडी बिन ताकड़ी ,गुरु तोल दिया संसार।।

सतगुरु आया पावना ,
परमेश्वर आया पावना।
आज रे आनंद भयो ,
मारा सतगुरु आया पावना। २

अरे हिंगलू पाया रो ढाळु ढोलियो,
रेशम रा बिछावना। २
जिण पर राजा राम बिराज ,
पंछी पाव दबावणा।
सतगुरु आया पावना ,
परमेश्वर आया पावना।
आज रे आनंद भयो ,
मारा सतगुरु आया पावना। २

चोका रन्धावु उजला ,
ऊपर गिरत गलावणा। २
खीर खांड का अमृत भोजन,
संतो ने जिमावणा। २
सतगुरु आया पावना ,
परमेश्वर आया पावना।
आज रे आनंद भयो ,
मारा सतगुरु आया पावना।

मथुरा जी में कंस मारियो ,
लंका जी में रावणा।२
बलि के द्वारे आप पधारिया ,
वामन रूप धरावणा। २
सतगुरु आया पावना ,
परमेश्वर आया पावना।
आज रे आनंद भयो ,
मारा सतगुरु आया पावना। २

अरे 68 तीरथ सतगुरु चरने ,
गंगा जी में नावणा। २
सतगुरु सरने मीरा बाई बोले ,
अरख निरख गुण गावणा। २
सतगुरु आया पावना ,
परमेश्वर आया पावना।
आज रे आनंद भयो ,
मारा सतगुरु आया पावना। २

सतगुरु आया पावणा परमेश्वर आया पावणा भजन Satguru Aaya Pawna Parmeshwer Aaya Pawna , prakash mali bhajan, gurudev bhajan

Leave a Reply