।। दोहा ।।
बोली ऐसी बोलिये ,मन का आपा खोय।
औरन को शीतल करे ,आप भी शीतल होय।
सुख थोड़ा दुःख घणा रे जगत में ,
होग्या कष्ट सरे राणी।
किन किन के दुःख दूर करू ,
या दुनिया दुखी फिरे राणी।
कीड़ी कण बिना हाथी मण बिना
नाग बिल बिना दुःखिया है।
कवि वण बिना सूरा रण बिना ,
भूखा अन्न बिना दुखिया है।
पांच जनम बिन चकरी मिंलन बिन ,
सती रे सजन बिना दुखिया है।
बिजली रे घर बिन मोर है सावन बिन ,
माली रे चमन बिन दुखिया है।
पंछी गगन बिन दुखिया है ,
पंजरे में आय पड़े राणी।
किन किन के दुःख दूर करू ,
या दुनिया दुखी फिरे राणी।
सुख थोड़ा। ……
खेत में गाळा रे पो में पाळा ,
उण्डा खाळा रे दुखी करे।
नित में आळा पछित में नाळा ,
घर में साळा दुखी करे।
चौथा रे डाळा आया रे दिवाळा ,
गुरु रा प्यारा दुखी करे।
आँख में जाळा दाल में काळा ,
पाँव में छाला दुखी करे।
अब खर्च उठाना दुखी करे।
तुजे खर्चा दुखी करे राणी।
किन किन के दुःख दूर करू ,
या दुनिया दुखी फिरे राणी।
सुख थोड़ा। ……
मात कुलक्षाणि मूरख बेटा ,
कूबड़ नारी रे दुखी करे।
पापक मौसी बुरा रा पडोसी ,
ओछी यारी दुखी करे।
बुरे की संगत जुवा जाम ,
चोरी चारी दुखी करे।
मत बिना खेती फसल पछेती ,
उची क्यारी दुखी करे।
अब सभी बीमारी दुखी करे।
कुछ कर जा दुखी करे राणी।
किन किन के दुःख दूर करू ,
या दुनिया दुखी फिरे राणी।
सुख थोड़ा। ……
रेत के टीले झील की बस्ती ,
रस्ते में रोड़ा दुखी करे।
ओलण भेस रे डोलन उटनी ,
बळद में फोड़ा दुखी करे।
खोरी रे जोटा सांड मारना ,
अड़ियल घोडा दुखी करे।
रोजा रे भारी बात दूर की ,
आदर थोड़ा दुखी करे।
अब रग पर फोड़ा दुखी करे।
कदी भरे कदी फूटे राणी।
किन किन के दुःख दूर करू ,
या दुनिया दुखी फिरे राणी।
सुख थोड़ा। ……
गरीब सताणा चूल्हे में गमाणा ,
क्रोध उठाणा दुखी करे।
महला बाणा नागर द्वाणा ,
गाव में खाणा दुखी करे।
सहम उलाणा बेर पुराणा ,
जुगली खाणा दुखी करे।
ज्यादा खाणा पैदल जाणा ,
गांव ठिकाणा दुखी करे।
अब सुर बिन गाणा दुखी करे।
मांग राम कहे राणी।
किन किन के दुःख दूर करू ,
या दुनिया दुखी फिरे राणी।
सुख थोड़ा। ……
सुख थोड़ा दुख घणा जगत में दुनिया दुखी फिरे रानी sukh thoda dukh ghana jagat me duniya dukhi phire rani lyrics
