सुनजो रे संसारी भाया एडो जमानो आवेला भजन लिरिक्स

।। दोहा ।।
कुण किसी को देत है, करम देत झकझोर।
उळझै-सुळझै आप ही, धजा पवन के जोर।।

सुणजो रे संसारी लोगो ,
ऐड़ो जमानो आवेला।
राजारामजी कहे मेरे बंदव ,
कर्म धर्म मिट जावेला।

एक सेर रो धान बिकेला,
पानी टांक तुलेला ।
भूमि बीज उपज तज देसी ,
इंद्र नही बरसावेला।
सुणजो रे …..

मनको बढ़ जासी ज्यादा ,
धान हाथ नही आवेला।
एक रोटी रे कारण लड़ कर ,
अपनो पराण गवावेला।
सुणजो रे …..

दान पुण्य में धयान न धरसी ,
पाप गानों बढ़ जावेला।
देवा ने पूजे नही पापी ,
ईस्वर ने नही धावेला।
सुणजो रे …..

राजा खुद तो राज तजसी ,
जागीरी सब जावेला।
पूंजी पति तो एक पलक में ,
निर्धनिया हो जावेला।
सुणजो रे …..

भाई ने भाई नही जाने ,
एक नार नही रेवेला।
थारी मारी करता करता ,
यु लड़ता मर जावेला।
सुणजो रे …..

सासरिया रे सिरो लापसी ,
उजली खीर रंदावेला।
काका बाबा ओर मात पिता ने ,
गाली देन भगावेला।
सुणजो रे …..

बेटो बाप रो कयो नई माने ,
अकड़ तनो अकड़ावेला।
बुढ़िया में अकल नही है ,
पागल के बतलावेला।
सुणजो रे …..

नेम धर्म सगळो तज देसी ,
सब दिन पैसा कमावेला।
ईस्वर ने ईस्वर नही जाने ,
आप भृमा बन जावेला।
सुणजो रे …..

टाबर ने रोटी नही मिलसी ,
सब दिन सोर मचावेला।
भूका मिरता फिरे भटकता ,
धान हाथ नही आवेला।
सुणजो रे …..

महामारी ओर हैजो पड़सी ,
हाहाकार मच जावेला।
काली माता तो चक्कर सलावे ,
भेरू डमरू बजावेला।
सुणजो रे …..

सासुजी तो गठी फेरे ,
सुसरो पानी लावेला।
ढोलिये बेठोडी बनड़ी ,
आख्या सु डरावेला।
सुणजो रे …..

जात पात री रीत न रेसी ,
एक जात बन जावेला।
राजारामजी कहे मेरे बांधव ,
कर्म धर्म हठ जावेला।
सुणजो रे …..

sunita swami bhajan | rajaram ji bhajan video

https://www.youtube.com/watch?v=k_-BzWP20J8

सुनजो रे संसारी भाया एडो जमानो आवेला भजन ado jamano avela sunita swami bhajan lyrics | सुनीता स्वामी के चेतावनी भजन lyrics in Hindi एडो जमानो आवेला
भजन :- ऐड़ो जमानो आवेला
गायिका :- सुनीता स्वामी वैष्णव