।। दोहा ।।
स्वार्थ का संसार है , स्वार्थ की है दुनिया।
राम नाम भजले बंदा ,भव तीर जासी नैया।
हेली मारी रंग में ,रंग मिल जाय।
गुणा की जोड़ी ,ना ही मिलेली ये।
हेली मारी कागा कोयल दोय ,
दोया को रंग एक मिलेला ये।
कागो जावे घर का माय ,
कोयल मारी बागा बोले ये।
हेली मारी ……
हेली मारी हंसा बुगला दोय ,
दोया को रंग एक मिलेला ये।
बुगलो मछिया खाय ,
हंसो तो मारो मोतिया चुगेला ये।
हेली मारी ……
हेली मारी सोना पीतल दोय ,
दोया को रंग एक मिलेला ये।
पीतल लोहा भाव ,
सोनो तो मारो तोला में तुलेला ये।
हेली मारी ……
हेली मारी गोरख कबीरा दोय ,
दोया रा गुण न्यारा न्यारा ये।
गोरख भजन बनाय ,
कबीरा वाणी बोले ये।
हेली मारी ……
हेली भजन लिरिक्स | marwadi desi bhajan video
हेली मारी रंग में रंग मिल जाए heli mari rang mein rang mil jaye हेली भजन मारवाड़ी हेली भजन लिरिक्स marwadi desi bhajan
हेली भजन मारवाड़ी lyrics in Hindi
भजन :- हेली मारी रंग में रंग मिल जाय।
गायक :- बुद्धि प्रकाश सेन
