baba ramdev ji bhajan Hindi Lyrics | रूणीचे रा धणियाँ अजमाल जी रा कँवरा

हे रूणीचे रा धणियाँ , अजमाल जी रा कँवरा ,
माता मेणादे रा लाल , राणी नेतल रा भरतार ,
म्हारो हेलो , सुणो नी रामा पीर जी ॥

घर – घर होवे पूजा थांरी , गाँव – गाँव जस गावे जी ।
जो कोई लेवे नाम धणी रो , मन चाया फळ पावे जी ।
हे रामसा पीर थारी , ड्योढी पर शीश झुकावाँ ,
मनड़े रा फूल चढ़ावाँ , हे रूणीचे रा धणियाँ ,
अजमाल जी रा कँवरा ।।

थे तो बाबा मालिक म्हारा , म्हे हाँ थारा दास जी ।
म्हां पर किरपा की जो बाबा , टाबर अपणा जाण जी ।
श्वारथिया रो जहर उतारो , घड़ी पलक री सासा ,
बन्धावो म्हाने आशा , हे रूणीचे रा धणियाँ ,
अजमाल जी रा कँवरा ।।

दास करे अरदास पीर जी , डसगयो काळो नाग जी ।
मरतोड़ा ने जीव दान दो , जीतां ने वरदान जी ।
महिमा अपरम्पार थांरी , धन – धन भाग्य विधाता ,
थाने घणी खम्मा अन्नदाता , हे रूणीचे रा धणियाँ ,
अजमाल जी रा कँवरा ॥

baba ramdev ji ka bhajan, prakash mali bhajan Video
भजन :- रुनिचे रा धनिया
गायक :- प्रकाश माली

Leave a Reply