baba ramdev ji ka bhajan Hindi Lyrics | द्वारिकापुरी सूं बाबो आया तो खरी

द्वारिकापुरी सूं बाबो ,
आया तो खरी ओ बापजी , आया तो खरी ।
दुर्बलियो देखे ने ,दर्शण देवजो हरी , ओजी ॥

धोळा – धोळा नेजा धणी रे ,
चाहूं तो खरी ओ बापजी , चादूं तो खरी ।
दुर्बलियो देखे ने ,दर्शण देवजो हरी , ओजी ॥

प्रहलादे री बेल सांवरो ,
आया तो खरी ओ बापजी , आया तो खरी ।
तपियोड़ा थम्बा सुं ,बाथों वे तो रे भरी , ओजी ।
द्वारिकापुरी सूं बाबो। ……

सिरियादे री बेल सांवरो ,
आया तो खरी ओ बापजी , आया तो खरी ।
बळतोड़े नीवां में ,बचिया तारिया हरी , ओजी ।
द्वारिकापुरी सूं बाबो। ……

मीरां रे मेड़तणी रे बेल ,
आया तो खरीओ बापजी , आया तो खरी ।
विष रा प्याला ,इमरत कीना रे हरी , ओजी ॥
द्वारिकापुरी सूं बाबो। ……

नरसी भगत रे बेल सांवरो ,
आया तो खरी ओ बापजी , आया तो खरी ।
नैनी बाई रे मायरा ,में पोटली धरी , ओजी
द्वारिकापुरी सूं बाबो। ……

भीन माल रे गुन्दरे में ,
आवो तो खरी ओ बापजी , आवो तो खरी ।
मंदिरियो चुणायो पीथे ,देखो तो खरी , ओजी ।
द्वारिकापुरी सूं बाबो

ramdev ji bhajan, marwadi bhajan desi Video
भजन :- द्वारिकापुरी सु बाबा आया
गायक :- प्रकाश माली

Leave a Reply