बनजारी ये हँस हँस बोल ,प्यारी प्यारी बोल।
बाता थारी रह झासी रे।
मने परायी मत जाण ,बाता थारी रह जासी।
कंठी माला काठ की रे ,ज्यामे रेशम सूत।
सूत बिचारा क्या करे ,ज्याने कटाण वाला कबूत।
बाता थारी रह जासी।बनजारी ये…….
रामा थारे बाग़ में रे ,लाम्बा पेड़ खजूर।
चढ़े तो पाँव फिसरे ,पडे तो चकना चूर।
बाता थारी रह जासी।बनजारी ये…….
जैसे चूड़ी कांच की रे ,वैसे नर संग देह।
ओ जतन करा दू साव जी ,थोड़ो हरी भजना में रेह।
बाता थारी रह जासी।बनजारी ये…….
पत्ता टुटा डाल से रे ,ले गई पवन उड़ाई।
अब के बिछड़े ना मिले रे ,दूर पड़े रे जाय।
बाता थारी रह जासी।बनजारी ये…….
काल पड़े भजियो नहीं रे ,कियो ने हरी सु हेत।
अब पछताये होसी क्या ,जब चिड़िया चुग गई खेत।
बाता थारी रह जासी।बनजारी ये…….
बाळद थारे नद नहीं रे ,सांड लग गयो धार।
रामानंद रा बन कबीरा ,तू बेथ मोटा पाठ।
बाता थारी रह जासी।बनजारी ये…….
neeta nayak bhajan Video
भजन :- बिणजारी हस हस बोल
गायक :- नीता नायक
