ਜੋਗੀਆ ਸੁਨਹਿਰੀ ਜਟਾਂ ਵਾਲਿਆਂ
ਜੱਗ ਵਿਚ ਉੱਚਾ ਤੇਰਾ ਨਾਂ
ਸ਼ਾਹਤਲਾਈਆਂ ਨੂੰ ਹੈ ਭਾਗ ਲੱਗ ਗਏ
ਅੱਕੜੇ ਸੀ ਜਿਹੜੀ ਤੇਰੀ ਥਾਂ
ਜੋਗੀਆ ਸੁਨਹਿਰੀ ਜਟਾਂ ਵਾਲਿਆਂ
ਸੋਹਣੇ ਸੋਹਣੇ ਝੰਡੇ ਲੈਂਦੇ ,ਹਵਾ ਚ ਹੁਲਾਰੇ ਜੀ ॥
ਦੂਰ ਦੂਰ ਤੱਕ ਜੀਹਦੇ ,ਪੈਂਦੇ ਲਿਸ਼ਕਾਰੇ ਜੀ ॥
ਚੰਨ ਵਾਂਗੂ ਗੁਫਾ ਤੇਰੀ ਸਜਦੀ ॥
ਭਗਤਾਂ ਤੇ ਕਰ ਠੰਡੀ ਛਾਂ
ਜੋਗੀਆ ਸੁਨਹਿਰੀ ਜਟਾਂ ਵਾਲਿਆਂ
ਢੋਲ ਤੇ ਨਗਾੜ੍ਹੇ ਰਹਿੰਦੇ ,ਹਰ ਦਮ ਵੱਜਦੇ॥
ਭਗਤ ਪਿਆਰੇ ਤੇਰੇ ,ਸ਼ੇਰਾਂ ਵਾਂਗੂ ਗੱਜਦੇ ॥
ਦਿਲ ਵਾਲਾ ਹਾਲ ਮੇਰਾ ਸੁਣਕੇ ॥
ਚਰਨਾਂ ਦੇ ਵਿਚ ਦੇ ਦੇ ਥਾਂ
ਜੋਗੀਆ ਸੁਨਹਿਰੀ ਜਟਾਂ ਵਾਲਿਆਂ॥
ਚੇਤ ਦੇ ਮਹੀਨੇ ਮੇਲਾ ,ਲਗਦਾ ਹੈ ਭਾਰੀ ਜੀ ॥
ਬੋਹੜਾਂ ਹੇਠ ਬਹਿਕੇ ਜੋਗੀ ,ਦੁਨੀਆਂ ਹੈ ਤਾਰੀ ਜੀ ॥
ਮੋਰ ਦੀ ਸਵਾਰੀ ਤੇਰੀ ਸੱਜਦੀ ॥
ਸ਼ੇਸ਼ਨਾਗ ਕੀਤੀ ਤੈਨੂੰ ਛਾਂ,
ਜੋਗੀਆ ਸੁਨਹਿਰੀ ਜਟਾਂ ਵਾਲਿਆਂ॥
ਦਿਲਬਾਗ ਵਾਲੀਆ ਵੀ ,ਗੁਣ ਤੇਰੇ ਗਾਂਦਾ ਏ ॥
ਬੰਗਿਆਂ ਦਾ ਟੋਨੀ ਤੇਰੇ ,ਨਾਮ ਨੂੰ ਧਿਆਂਦਾ ਏ॥
ਮੇਹਰਾਂ ਵਾਲਾ ਹੱਥ ਸਿਰ ਰੱਖਦੇ ॥
ਕਰ ਪੂਰੇ ਮੇਰੇ ਅਰਮਾਨ,
ਜੋਗੀਆ ਸੁਨਹਿਰੀ ਜਟਾਂ ਵਾਲਿਆਂ
