अरे मारा मनडा ,बदल गया दिनडा।
वा पेला जैसी बात नहीं।
अरे गव माता की कदर बिगड़गी ,
जीवती की खाल उदडगी।
सावन सुखो सुखो जावे ,
बे मौसम बरसात गणी।
अरे मारा मनडा। ……
ई पीतल ज्यो पड़ी परछाई ,
माँ जाया बोले नहीं भाई।
बेटो बाप ने आँख दिखावे ,
वा श्रवण सी संतान नहीं।
अरे मारा मनडा। ……
अरे सतवंती नहीं रही लुगाया ,
बात करे घूंघट ने उठाया।
अरे बहु सास ने गालिया निकाले ,
अरे वे घूँघट वे बात नहीं।
अरे मारा मनडा। ……
धुला राम जी कह गया साची ,
इण कलयुग की पोथी बाँची।
गर्व करो मत माई साची ,
दुश्मन की ओकात नहीं।
अरे मारा मनडा। ……
अरे मारा मनडा ,बदल गया दिनडा।
वा पेला जैसी बात नहीं।
अरे मारा मनडा बदल गया दिनडा Video
भजन :- मारा मनडा बदल गया दिनडा
गायक :- सुरेश जाखड़
