marwadi bhajan desi Hindi Lyrics | में सब देवा ने छोड़

म्हें तो सब देवां ने छोड़ ,राम सा ने ध्यावां ।
म्हारे मन रे तंदूरे ,पर थारी वाणी गावां ।
खम्मा घणी ,अजमाल जी रा लाल ने । २

आंधलियाँ ने आँख्यां देवो , पांगलियाँ ने पाँव जी ।
निर्धनियाँ ने धन देवो , धिन हो रामापीर जी ।
म्हें तो सारा जग ने छोड़ ,थारे शरणे आवां ।।
म्हें तो सब देवां। ….

अगर चनण रो बण्यो देवरो , धोखे लोग लुगाई जी ।
धोळीध जा फरूखे बाबा रे , मिनखां री सकलाई जी ।
थारे मिन्दर में झालर बाजे ,म्हें सुख पावां ।।
म्हें तो सब देवां। ….

जब – जब भीड़ पड़ी भगतां पर , थे ही लाज बचाई जी ।
बड़ा – बड़ा री थारे आगे , भूल हुई चतुराई जी ।
मेणांदे रा कंवर ,थारा म्हें यश गावां ।।
म्हें तो सब देवां। ….

भेद भाव रो भरम मिटायो , नयो धरम दिखायो जी ।
अण्जाणी दुनियाँ ने साँचो , आतम ज्ञान सुणायो जी ।
सुगणां बाई रा बीर , थारां म्हें गुणगावां ।।
म्हें तो सब देवां। ….

me to sab deva ne chod ramsa lyrics, baba ramdev ji bhajan Video
भजन :- में सब देवा ने छोड़

Leave a Reply