marwadi desi bhajan Hindi lyrics | करता डंडोता आवे , भगत थारे

करता डंडोतां आवे , भगत थारे उळवाणा आवे ।
जय बाबारी , जय बाबा री ,गाता – गाता आवे । .

कोसां चाले पाळा – पाळा , माथे तपे तावड़ियो ।
भूख – तिरसरी फिकर नहीं कोई , लाज राखसी सांवरियो ।
रूणीचे रा राम धणी थाने , दुखड़ा आय सुणावे ।।
करता डंडोतां। …..

हिन्दू मुस्लिम सिक्ख ईसाई , सब कोई थाने ध्यावे है ।
थारे शरणे सगळा सरीखा , सगळी दुनियाँ आवे है ।
जात – पात रो भेद नहीं जो , शरण आवे सुख पावे ॥
करता डंडोतां। …..

दिन रा काटे पेंडो जातरी , रातां जमो जगावे ।
बूढ़ा टाबर और लुगायां , बाबे रा गुण गावे है ।
घिरत चूरमो बाबा थारे , मिन्दर भोग लगावे ॥
करता डंडोतां। …..

त्रिलोकी रा नाथ कहीजो , अजमल घर अवतारी हो ।
पीड़ हरी थे भगतां री जद , महिमा थारी गावे है ।
उमड़े दुनियाँ सारी जद – जद , मास भादवो आवे
करता डंडोतां। …..

जय बाबारी , जय बाबारी , चारूं खूट सुणावे है ।
अशोक थारो दास कहीजे , महिमा थारी गावे है ।
शरणे राखिजो दास ने दाता , चरणां में सुख पावे ॥
करता डंडोतां। …..

moinuddin manchala bhajan Video
भजन :- करता दण्डोता आवे
गायक :- मोइनुद्दीन मनचला

Leave a Reply