कळश मांहि कळा , नेजे रे माँहि नूर ।
देवरा में ऊभो बाबो , हाथ रो हुजूर ,
जियो पीरां जियो रे ।।
भाखर मसूरिये , गुंसाई जी रो धाम ।
जातरू आवे बाबा , घोड़ा री घमसाण ॥
कळश मांहि कळा…..
पाँच पीपलियाँ रोपी , पाँचू मक्का रा पीर ।
चौपड़ खेले बाई , सुगणा रो बीर ।
कळश मांहि कळा…..
राम सरोवर पाळ माथे , मीठा बोले मोर ।
जातरू आवे ओ बाबा , नेजा वाळी डोर ।।
कळश मांहि कळा…..
लुम्बड़िया नारळ चादूं , पावड़ियाँ री नाळ ।
दोय कर जोड़ बोले , मानो मेघवाळ ।
कळश मांहि कळा…..
ramdev ji ka bhajan Video
भजन :- कळश माँहि कळा नेजे रे माँहि
गायक :- विक्रम सुथार
