mata ji ke bhajan lyrics In Hindi | पैदल चलता चलता जय बोलो

पैदल चलता – चलता जय बोलो ,वांकल महाराणी की ।
वांकल महाराणी की , जयजय अम्बे राणी की ।

वीरातरा में वांकल माँरो , मिन्दर बणियो भारी ।
हिरण डूंगरी आप विराजे , पूजे दुनियाँ सारी ॥
पैदल चलता। ….

वीर विक्रमा दित्य आपरो , देवळ है चुणवायो ।
भीयंड़ जीने माँ जगदम्बा , दर्शन आप दिखलायो ।
पैदल चलता। ….

दूर – दूर सूं दर्शण करवा , लोग घणेराआवे ।
धूप दीप सू करे आरती , चरणां शीश नवावे ॥
पैदल चलता। ….

बांझड़ियां ने बेटा देवे , निर्धनियां धन पावे ।
माँ वांकल रे द्वारे सारा , मनचाया फळ पावे ॥
पैदल चलता। ….

वांकल माता थांरी महिमा , दास अशोक सुणावे ।
निज चरणां में चाकर राखो , चरणां में सुख पावे ॥
पैदल चलता। ….

vankal mata bhajan jagdish vaishnav ke bhajan Video
भजन :- पैदल चलता चलता जय बोलो
गायक :- जगदीश वैष्णव

Leave a Reply