जागी जागी जागी रे , दिवले री जोत जागी रे ।
म्हारा सूं मत करजे ,भवानी रीसणो ॥
आज म्हाने मनड़े रो ,सोवन मोर बोले ओ ।
बरसां सूं आई ,जगदम्बा पांवणी ॥
जागी जागी । ….
खेजड़ला सु चढ़ी भवानी , भगतां री रखवाली माँ ।
आय ने भक्ता ने ,दरसण देविया ॥
जागी जागी । ….
नागाणा सु चढ़ी भवानी , सिंह करी किलकारी माँ ।
आय ने भक्तां रा ,कारज सारिया ।
जागी जागी । ….
गढ़ किल्ला तूं उतरी भवानी , गढ़ में नौबत बाजे माँ ।
काळा गौरा भैरू ,माँ रे साथ में ॥
जागी जागी । ….
बिलाड़ा सु चढ़ी भवानी , सिंह तणी असवारी माँ ।
शरणे आयां री ,लजिया राख जो ॥
जागी जागी । ….
लूंगड़ियो भैरू माता ,थारे अग वाणी रे ।
चड़ाऊ धजा ,देवी रे देव रे ॥
जागी जागी । ….
भक्त मनावे माता , सुणियाँ बेगी आजो रे ।
सिंवरूं मैं नित ,उठ थांने देव रे ।।
जागी जागी । ….
prakash mali bhajan lyrics Video
भजन :- जागी जागी दिवले री जोत जागी
गायक :- प्रकाश माली
