meera bai bhajan Hindi Lyrics | निन्दियाँ करे रे ज्यां ने

निन्दियाँ करे रे ज्यांने करवा दो, राम भजे रे ज्यांने भजवा दो।
पुष्कर री पेड़ियों में नहावा दो ,राम झकोळो प्रभुजी लेवा दो॥

ऊँचा – ऊँचा महल भाई रे ,अधर झरोखा ।
रपट पड़े रे ज्यांने पड़वा दो , राम झकोळो भाई रे लेवा दो ।
निन्दियाँ करे रे ज्यां। …….

उंडा – उंडा नीर रे ,अथंग जळ भरिया ।
डूब मरे रे ज्यां ने मरवा दो , राम भजे रे ज्याने भजवा दो ।।
निन्दियाँ करे रे ज्यां। …….

सुगरा रे नुगरा ,संगत माँहि आवे ।
नुगरां ने अळगा बळवा दो , राम झकोळो प्रभुजी लेवा दो ।।
निन्दियाँ करे रे ज्यां। …….

कोयल बोले प्रभुजी ,मीठी – मीठी वाणी ।
काग उड़े तो पछे उडवा दो , राम झकोळो प्रभुजी लेवा दो ।
निन्दियाँ करे रे ज्यां। …….

बाई मीरां केवे प्रभुजी ,गिरधर नागर ।
राम जीरो नाम म्हाने लेवा दो,राम झकोळो प्रभुजी लेवा दो ।।
निन्दियाँ करे रे ज्यां। …….

prakash mali bhajan Video
भजन :- निन्दियाँ करे रे ज्यां ने करवा दो
गायक :- प्रकाश माली

Leave a Reply