meera bai bhajan in hindi Lyrics | काया ने सिणगार कोयलियाँ

काया ने सिणगार कोयलियाँ , पर मण्डली मत जाइजो ए ।
पर मण्डलीरा नहींरे भरोसा , अध बिच में रूळ जावोए ।
काया ने सिणगार कोयलियाँ , ओंओं हरिओम ।।

गहरो फूल रोहिड़ा रो कहिजे , वे फुलड़ा मत लाइजो ए ।
थोड़ा फूल घणां कर मानो , फूल हंजारी गुल लाइजो ए ।।
काया ने सिणगार। ….

खारे समदरो खारो पाणी , वो पाणी मत लाइजो ए ।
थोड़ो नीर घणो कर मानो , नीर गंगा जळ लाइजो ए ।
काया ने सिणगार। ….

पिछम भोम में उभो खेजड़ो , उण छाया मत जाइजो ए ।
उत्तर – दखण रो बाजे बायरो , काँटा में रूळ जावो ए ।
काया ने सिणगार। ….

बाई मीरां री भजन मण्डली , उण मण्डली भल जाइजो ए ।
उण मंडली रा खरा रे भरासा , डूबतड़ी तिर जावो ए
काया ने सिणगार। ….

moinuddin manchala bhajan Video
भजन: – काया ने सिणगार कोयलियाँ
गायक: – मोहिनुद्दीन मंचला

Leave a Reply