दरगाह में अरजी सुणावां ,
रूणीचा वाळा रामदे पधारो ।
रामदे पधारो म्हारा पीर जी पधारो ।
चौखट पे शीश नमावां ,
रूणीचा वाळा रामदे पधारो ।।
द्वारका रा नाथ बाबा , आप कहावो ।
भगतां रा दुखड़ा थे तो , पल में मिटावो ।
दीनबंधु हो दयावाला ,
रूणीचा वाळा रामदे पधारो ॥
दरगाह में अरजी। ….
बाणिया रो हेलो सुण ने , पग पाळा आया ।
बेडो लगायो पार , प्राण बचाया ।
साँचाधणी हो रूखाळा ,
रूणीचा वाळा रामदे पधारो ।
दरगाह में अरजी। ….
लखी बिणजारो थारो , परचो है पायो ।
मिसरी रो पल में माधव , लूण बणायो ।
मोटा हो लीले घोड़े वाळा ,
रूणीचा वाळा रामदे पधारो ।।
दरगाह में अरजी। ….
मक्का सूं पीर थाने , परखण आया ।
कटोरा तो भोजन वाळा , लारे भूल आया ।
पल में थे कटोरा मंगाया ,
रूणीचा वाळा रामदे पधारो ॥
दरगाह में अरजी। ….
दास अशोक बाबा , अरजी सुणावे ।
चरणां री चाकरी में , सब सुख पावे ।
तोड़ो भवबंधन वाला ताळा ,
रूणीचे वाळारामदे पधारो ॥
दरगाह में अरजी। ….
ramdev ji ka bhajan, baba ramdev ji bhajan video
भजन :- दरगाह में अरज सुनावा
गायक :- मोइनुद्दीन मनचला
