ਮੈਂ ਦਰ ਤੇਰੇ ਤੇ ਜਾਵਾਂਗਾ, ਗੱਲ ਲੱਗ ਕੇ ਖਿੱਚ ਲਿਆਵਾਂਗਾ ॥
ਸਾਰੀ ਦੁਨੀਆਂ ਨੂੰ ਜੋ ਲੱਗੇ ॥ ,ਲੱਗੇਗੀ ਬੜੀ ਕਮਾਲ ਨੀ ਮਾਂ,
ਇੱਕ ਸੈਲਫੀ ਲੈਣੀ ਏ, ਮੈਂ ਲੈਣੀ ਤੇਰੇ ਨਾਲ ਨੀ ਮਾਂ
ਨਾਮ ਤੇਰਾ ਮੈਂ ਐਡਿਟ ਕਰਕੇ, ਪ੍ਰੋਫ਼ਾਈਲ ਤੇ ਲਾਵਾਂਗਾ,
ਮੈਂ ਔਰ ਮੇਰੀ ਮਈਆ ਲਿਖ ਕੇ, ਫੇਸਬੁੱਕ ਤੇ ਪਾਵਾਂਗਾ,
ਸਾਰੀ ਦੁਨੀਆਂ ਲਾਇਕ ਕਰੇਗੀ , ਕਰੇਗੀ ਸਾਲੋਂ ਸਾਲ ਨੀ ਮਾਂ,
ਇੱਕ ਸੈਲਫੀ ਲੈਣੀ ਏ, ਮੈਂ ਲੈਣੀ ਤੇਰੇ ਨਾਲ ਨੀ ਮਾਂ
ਸੈਲਫੀ ਤੇਰੀ ਮੇਰੀ ਦੀ ਮੈਂ, ਕਾਪੀਆਂ ਕਈ ਬਣਾਵਾਂਗਾ,
ਸੋਹਣੇ ਸੋਹਣੇ ਫਰੇਮ ਲਵਾ ਕੇ, ਸ਼ੀਸ਼ੇ ਵਿਚ ਮੜ੍ਹਾਵਾਂਗਾ,
ਸੈਲਫੀ ਨਾਲ ਸਜਾਵਾਂਗਾ ਮੈਂ , ਘਰ ਦੀ ਹਰ ਇੱਕ ਵਾਲ ਨੀ ਮਾਂ,
ਇੱਕ ਸੈਲਫੀ ਲੈਣੀ ਏ, ਮੈਂ ਲੈਣੀ ਤੇਰੇ ਨਾਲ ਨੀ ਮਾਂ
ਸੈਲਫੀ ਦੇ ਵਿਚ ਮਾਏਂ ਤੈਨੂੰ, ਸਟਾਈਲ ਨਾਲ ਦਿਖਾਵਾਂਗਾ,
ਪਿਆਰਾ ਪਿਆਰਾ ਮੁਖੜਾ ਤੇਰਾ, ਸਮਾਈਲ ਨਾਲ ਦਿਖਾਵਾਂਗਾ,
ਸੈਲਫੀ ਕਿਥੇ ਖਿੱਚੀ ਲੋਕਾਂ, ਪੁੱਛਣਾ ਕਰਕੇ ਕਾਲ ਨੀ ਮਾਂ,
ਇੱਕ ਸੈਲਫੀ ਲੈਣੀ ਏ, ਮੈਂ ਲੈਣੀ ਤੇਰੇ ਨਾਲ ਨੀ ਮਾਂ
ਸੈਲਫੀ ਤੇਰੀ ਮੇਰੀ ਮਾਏਂ, ਹਰ ਥਾਂ ਤੇ ਛਾ ਜਾਏਗੀ ,
ਪਿਆਰ ਏ ਸੱਚਾ ਮਾਂ ਪੁੱਤਰ ਦਾ, ਦੁਨੀਆਂ ਨੂੰ ਦਰਸਾਏਗੀ,
ਸਾਗਰ ਨੂੰ ਇਹ ਦੁਨੀਆਂ ਜਾਣੇ ,ਕਹਿ ਕੇ ਤੇਰਾ ਲਾਲ ਨੀ ਮਾਂ,
ਇੱਕ ਸੈਲਫੀ ਲੈਣੀ ਏ, ਮੈਂ ਲੈਣੀ ਤੇਰੇ ਨਾਲ ਨੀ ਮਾਂ
