leke gora ji ko sath,
bhole bhale bhole nath .
kashi nagari se aaye,
hai shiv shankar .
nandi pe savar hoke ,
damaru bajate .
chale aa rahe hai bhole,
hari gun gate.
pahene narmundo ki mala,
odhe tan par mrig chala.
kashi nagari se aaye,
hai shiv shankar .
leke gora ji ko sath
hath me trisul liye,
bhasmi ramaye .
jholi gale me dale ,
gokul me aaye .
pahuche nand baba ke dwar,
alakh jagaye barambar.
kashi nagari se aaye,
hai shiv shankar .
leke gora ji ko sath
kaha hai yashoda tera,
krishna kanhaiya.
darash karade rani,
le lu balaiya.
sunke narayan avtar,
aaya hu me tere dwar.
kashi nagari se aaye,
hai shiv shankar .
leke gora ji ko sath
dekhke yasoda boli,
jao baba jao.
dwar hamare tum na ,
damaru bajao.
dar jayega mera lal,
jo dekhega sarp maal.
kashi nagari se aaye,
hai shiv shankar .
leke gora ji ko sath
has ke wo jogi bola,
suno maharani.
darash karade mujhe,
hogi meherbani.
darsh karade ek baar,
dekhu kaisa hai sukumar.
kashi nagari se aaye,
hai shiv shankar .
leke gora ji ko sath
soya hai kanhaiya mera,
me na jagau.
teri bato me baba,
hargij na aau.
mera nanha sa gopal,
tu koi jadu dega dal.
kashi nagari se aaye,
hai shiv shankar .
leke gora ji ko sath
etni sunke bhola,
hanse khilkhila ke .
bola yasoda se ,
damaru bajake.
dekho jakar apna lal,
aane ko wo hai bahal.
kashi nagari se aaye,
hai shiv shankar .
leke gora ji ko sath
etne me aaye mohan,
murli bajate.
brahma endrani jiska,
paar na pate.
yaha gokul me gwal,
ghar ghar nach raha gopal.
kashi nagari se aaye,
hai shiv shankar.
leke gora ji ko sath .
shiv ji bhajan lyrics video
