Teri karuna se sabki hai vipda tali [ Hanuman ]

Teri karuna se sabki hai vipda tali
jai ho Bajrangbali, jai ho Bajrangbali
tere chintan se har dukh ki raina dhali
jai ho Bajrangbali, jai ho Bajrangbali

teri shakti ki jyoti har ik man mein hai
tere naam ki sugandh tau kankan mein hai
jinke saanson mein teri hi mala phire
unki naiiya kabhi na bhanwar mein ghire
tere sammukh balaon ki ik na chali
jai ho Bajrangbali, jai ho Bajrangbali

Raam naam ki shakti tere paas hai
bhakton ka bohat tujhpe vishwas hai
teri pooja se andhkaar ghar ka mite
har dukhdon pe bhay ki badariya jhate
tu hai danav dalan har bali se bali
jai ho Bajrangbali, jai ho Bajrangbali

tera sumiran shani se bachata humein
paath tera hi har sukh dilaata humein
tere nirdosh charnon ki dhool mile
tau hi patjhad mein kaliyaan khushi ki khile
pag dhooli tau chandan se bhi hai bhali
jai ho Bajrangbali, jai ho Bajrangbali

teri karuna se sabki hai vipda tali
jai ho Bajrangbali, jai ho Bajrangbali

Leave a Reply