दादाई भाकर में आप बिराजो,
आशापुरा मम माई मारी माँ,
जय आशापुरा मात की,
दादई भाकर मे आप बिराजो,
आशापुरा मम माई मारी माँ,
जय आशापुरा मात की।।
जोखर भाकर मे बैठनो माँ आपरो,
जोखर आशापुरा बाज्या मारी मात,
जय आशापुरा मात की,
आशापुरी आस पुरो माँ,
लाल चुनडी वाली मात,
जय आशापुरा मात की।।
शुंभ निशुंभ माँ आप विदारीया,
शुंभ निशुंभ माँ आप विदारीया,
महीसासुर ने मार्या मारी मात,
जय आशापुरा मात की,
चौसठ जोगनी मंगल गावे,
भेरू आगलवानी मारी मात,
जय आशापुरा मात की।।
आसुपाला रो पाट घडावु,
आसुपाला रो पाट घडावु,
जिन पर आसन लगावु मारी मात,
जय आशापुरा मात की,
कंकु केशर रा नाकु छोटना,
सिंह असवारी आवो मारी मात,
जय आशापुरा मात की।।
ऊंचो भाकर माँ मन्दिर सोवनो,
ऊंचो भाकर माँ मन्दिर सोवनो,
ध्वजा फरूके असमान मारी मात,
जय आशापुरा मात की,
गाय ग्वालो री लजीया राखी,
ग्वालो ने दान दिराया मारी मात,
जय आशापुरा मात की।।
राव लाखन माँ थाने मनावे,
राव लाखन माँ थाने मनावे,
वंश मे बेल बढाई ए मारी मात,
जय आशापुरा मात की,
सोनी घर राजा लोहार मनावे,
देवडा सिरोही रे माई मारी मात,
जय आशापुरा मात की।।
चौहान भवानी थाने मनावे,
चौहान भवानी थोने मनावे,
बामण बानीया ध्यावे मारी मात,
जय आशापुरा मात की,
बाबूलाल जी सेवक आपरा,
साचा आखा दिरावे मारी मात,
जय आशापुरा मात की।।
जोखर आशापुरी सोशल मंडल,
जोखर आशापुरी सोशल मंडल,
नित नित सेवा पावे मारी मात,
जय आशापुरा मात की,
शंकर आपरा भजन बनावे,
चरना मे शिश नमावे मारी मात,
जय आशापुरा मात की।।
दादाई भाकर में आप बिराजो,
आशापुरा मम माई मारी माँ,
जय आशापुरा मात की,
दादई भाकर मे आप बिराजो,
आशापुरा मम माई मारी माँ,
जय आशापुरा मात की।।
