अपने दिल का हाल सुनावन आया हां भजन लिरिक्स

अपने दिल का हाल,
सुनावन आया हां,
म्हें तो म्हारा श्याम ने,
रिझावन आया हां।।

श्याम म्हारो दिल वालो है,
पर थोड़ो सो नखराळो है,
इकि बातां म्हें जाना हां,
यो तो म्हारो घर वालो है,
घर के मालिक से,
बतलावण आया हां,
म्हें तो म्हारा श्याम ने,
रिझावन आया हां।।

सुख को साथी यो जग सारो,
दुःख को साथी श्याम हमारो,
श्याम ही बिगड़ी बात बनावे,
म्हाने श्याम को खूब सहारो,
उलझी गाठयां ने,
सुलझावन आयां हां,
म्हें तो म्हारा श्याम ने,
रिझावन आया हां।।

यो जीवन नैया को माझी,
श्याम मिजाजी हो जा राजी,
‘बिन्नू’ है चरणां को सेवक,
टाबर से क्यांकि नाराजी,
आंसूंडा की भेंट,
चढ़ावण आयां हां,
म्हें तो म्हारा श्याम ने,
रिझावन आया हां।।

अपने दिल का हाल,
सुनावन आया हां,
म्हें तो म्हारा श्याम ने,
रिझावन आया हां।।

music video bhajan song

कृष्ण भजन अपने दिल का हाल सुनावन आया हां भजन लिरिक्स

Leave a Comment

Your email address will not be published.